Read nynorsk 1978 Høgsongen 8 Bible Online

Høgsongen 8 - nynorsk 1978 bible

Høgsongen 8

¹Å, gjev du var min bror, gjev du hadde soge brystet ¬åt mor mi! Då skulle eg kyssa deg når vi møttest der ute, og ingen vanvørde meg for det.

²Så leidde eg deg ¬til huset åt mor mi, inn i koven åt ho ¬som fødde meg. Eg skjenkte deg kryddevin og saft av granatepla mine.

³Hans venstre hand ¬er under mitt hovud, med den høgre ¬femner han meg.

⁴Eg naudbed dykk, ¬Jerusalems døtrer: Kvi vekkjer de kjærleiken, kvi eggjar de han ¬før sjølv han vil?

⁵Kven er ho som kjem opp ¬frå øydemarka, stødd til sin ven? Under apalen vekte eg deg, der mor di hadde føderier, der ho fødde deg.

⁶Set meg til eit segl ¬på ditt hjarta, eit segl på din arm! For kjærleiken ¬er sterk som døden og mektig som dødsriket ¬i si trå. Han brenn som logande eld, han logar mot himmelen. [14]

⁷Vassflaumar ¬kan ikkje sløkkja kjærleiken, elvar kan ikkje fløyma han bort. Om einkvan ville gje alt han åtte for kjærleik, så vart han berre til narr.

⁸«Vi har ei lita syster, som enno ikkje har bryst. Kva skal vi gjera ¬med syster vår når friarane kjem? [15]

⁹Er ho ein mur, vil vi byggja tindar av sølv på han. Er ho ei dør, ¬vil vi stengja henne med ein sederplanke.»

¹⁰Eg er ein mur, og mine bryst er som tårn. I augo hans har eg vorte lik ei som finn fred.

¹¹Salomo hadde ein vingard ¬i Ba’al-Hamon. Den gav han til vaktmenn, og kvar skulle gje han tusen sekel sølv for frukta. [16] [17]

¹²Eg har min eigen vingard. Dei tusen sekel er dine, Salomo, to hundre er til dei ¬som vaktar frukta. [18]

¹³«Du møy som held til i hagane, venene lyder på deg. Lat meg få høyra di røyst!»

¹⁴«Skunda deg, min ven, fly som gasellen ¬og den unge hjort over balsam-angande fjell!»