Read nynorsk 1978 Jesaja 14 Bible Online

Jesaja 14 - nynorsk 1978 bible

Jesaja 14

¹Herren skal miskunna seg over Jakob og endå ein gong velja ut Israel og la dei få bu i landet sitt. Framande skal sameina seg med dei og halda seg til Jakobs ætt.

²Folkeslag skal ta dei og føra dei heim, og så skal Israels ætt i Herrens land gjera andre folk til sin eigedom, til trælar og trælkvinner. Dei som heldt dei i fangenskap, skal verta deira fangar, og dei skal rå over dei harde herrane sine.

³Den dagen Herren lèt deg kvila frå ditt strev og di uro og frå det harde trælearbeidet som vart lagt på deg,

⁴då skal du syngja denne spottevisa om Babel-kongen: Sjå, no er det ute ¬med valdsherren, no er det slutt ¬på hans ville framferd!

⁵Herren har brote sund staven ¬åt dei gudlause, styrarstaven åt tyrannane,

⁶som råka folkeslag i harme og aldri heldt opp med å slå, som tvinga folket under seg ¬i vreide og forfylgde dei utan miskunn.

⁷Heile jorda har fått fred og ro, folk set i med fagnadrop.

⁸Jamvel sypressane gleder seg over det som har hendt deg, og sedrane på Libanon jublar: «Sidan du fall, kjem ingen opp og feller oss.»

⁹Dødsriket der nede kjem i uro når det skal ta imot deg. For di skuld ¬vekkjer det daudingar, alle som var fyrstar på jorda; det får alle kongane over folka til å reisa seg frå sine troner.

¹⁰Dei tek til ords og seier til deg: «Så er du òg vorten kraftlaus ¬som vi, no er vi alle like.

¹¹Du som var så stor og stolt, til dødsriket er du nedstøytt med dine klingande harper. No ligg du på ei roten lege, mòl og makk er ditt teppe.»

¹²Kor du er fallen frå himmelen, du strålande morgonstjerne, du son åt morgonroden! Kor du er slengd til jorda, du som la under deg folkeslag! [52]

¹³Det var du som tenkte ¬med deg: «Til himmelen vil eg stiga opp; høgt over Guds stjerner reiser eg min kongsstol. Eg tek sete på tingfjellet ¬lengst i nord.

¹⁴Eg vil stiga opp ¬over dei høge skyer og gjera meg lik Den Høgste.»

¹⁵Nei, til dødsriket ¬er du nedstøytt, lengst ned i den djupe hola.

¹⁶Dei som ser deg, stirer på deg, undrast og seier: «Er dette den mannen ¬som skok jorda og fekk kongerike til å skjelva,

¹⁷han som gjorde verda ¬til ei øydemark, la byar i grus og aldri lét fangar ¬få fara heim?»

¹⁸Alle kongane over folka kviler med ære, kvar i sitt hus.

¹⁹Men du ligg bortslengd ¬og har inga grav, du er som ein vanvørd kvist. Du er overbreidd ¬av drepne menn, som er gjennombora med sverd og kasta ned i ei steingrav, som eit nedtrakka åtsel.

²⁰Du får ikkje koma i grav ¬med andre, for landet ditt har du øydt, og folket ditt har du drepe. Dei som er ætta ¬frå ugjerningsmenn, skal aldri nemnast meir.

²¹Gjer slaktebenken ferdig ¬til sønene hans for den misgjerning ¬deira fedrar har gjort! Dei skal ikkje stå opp ¬og ta jorda i eige og grunnleggja byar ¬kringom i verda.

²²Eg vil reisa meg mot babylonarane, lyder ordet frå Herren, Allhærs Gud. Eg vil rydja ut alt folket i Babel og gjera ende på deira ettermæle; jamvel born og etterkomarar vil eg rydja ut, lyder ordet frå Herren.

²³Eg gjer Babel til ein heim for hegrar og til eit myrlende. Eg sopar det bort med ein kost som øydelegg alt, lyder ordet frå Herren, Allhærs Gud.

²⁴Herren, Allhærs Gud, ¬har svore: Det eg har tenkt, ¬skal sanneleg henda; det eg har sett meg føre, ¬står fast.

²⁵Eg vil knusa assyrarane ¬i landet mitt og trakka dei ned på ¬fjella mine. Åket deira skal takast bort frå dei som er trælka, og børa lyftast av deira aksel.

²⁶Dette er den plan som er lagd for all jorda, og dette er den hand som er utrett mot alle folkeslag.

²⁷Når Herren, Allhærs Gud, ¬har lagt ein plan, kven kan gjera han til inkjes? Og når hans hand er utrett, kven kan venda henne bort?

²⁸Det året kong Akas døydde, kom dette domsordet:

²⁹Gled dykk ikkje, ¬de filistarar, fordi staven som slo dykk, ¬er broten. For av ormeætta ¬kjem det ein eiterorm, og hans frukt ¬er ein flygande orm. [53] [54]

³⁰På mi jord ¬skal småkårsfolk finna føde og dei fattige kvila trygt. Men di ætt lèt eg døy av svolt, og dei som er att av deg, ¬skal tynast.

³¹Hyl, du port, og skrik, du by! Skjelv av redsle, ¬heile Filistarland! For ein røyk kjem drivande ¬frå nord, og ingen ligg etter ¬i fiendeflokken.

³²Kva skal vi svara ¬sendemennene frå folket? At Herren har grunnlagt Sion, og at der finn armingane ¬i folket hans livd.