Read nynorsk 1978 Jesaja 19 Bible Online

Jesaja 19 - nynorsk 1978 bible

Jesaja 19

¹Domsord mot Egypt. Sjå, Herren fer fram ¬på lette sky og kjem til Egypt. Egyptargudane skjelv for han, og motet kverv hjå egyptarane.

²Eg eggjar egyptar mot egyptar, så dei strider, kvar mot ¬sin bror, mann mot mann og by mot by, og kongerike mot kongerike.

³Egyptarane går frå sans ¬og samling, eg skiplar deira planar. Då vender dei seg ¬til gudar og trollmenn, til gjengangarar ¬og spådomsånder.

⁴Men eg vil gje egyptarane i ein hardstyrars vald og makt; ein mektig konge ¬skal rå over dei, lyder ordet frå Herren, ¬Allhærs Herre.

⁵Då turkar vatnet i Nilen bort, elva vert tom og turr.

⁶Elvefara ligg og tevjar, Nilens armar minkar ¬og turkar ut, røyr og sev svartnar og visnar.

⁷Graset som veks ¬frammed Nilen, og alt som er sått langs elva, turkar, fyk bort og kverv.

⁸Fiskarane syrgjer og klagar, alle som kastar krok i Nilen; og dei som set garn i vatnet, misser reint motet.

⁹Dei som arbeider med lin, ¬vert til skammar, dei som kardar og vev, ¬bleiknar.

¹⁰Alle vevarane sturer, lønsarbeidarane er ille til mote.

¹¹Berre dårar ¬er hovdingane i Soan, vismennene åt farao ¬gjev dumme råd. Korleis kan de seia til farao: «Vi er ætta frå vismenn, frå kongar i gamal tid»? [70]

¹²Kvar er då vismennene dine? Lat dei fortelja ¬og kunngjera deg kva Herren, Allhærs Gud, ¬har sett seg føre å gjera med egyptarane.

¹³Dårar er hovdingane i Soan, stormennene i Nof ¬har late seg narra. Ættehovdingane i Egypt har ført folket sitt vilt. [71]

¹⁴I dei har Herren rent ut ei ånd som gjer ør. Dei har fått egyptarane ¬til å raga kva dei så tek seg føre, som ein drukken ¬ragar om i sitt spy.

¹⁵Ingenting skal lukkast ¬for egyptarane, anten det er hovud eller hale, palmegrein eller sev ¬som gjer det.

¹⁶Den dagen skal egyptarane vera som kvinner. Dei skal skjelva av angst fordi Herren, Allhærs Gud, har lyft si hand og svingar henne over dei.

¹⁷Juda-landet skal verta ei redsle for egyptarane. Så ofte nokon nemner det for dei, skal dei skjelva av angst for den planen Herren, Allhærs Gud, har lagt mot dei.

¹⁸På den tid skal det vera fem byar i Egypt som talar Kanaans tungemål og sver truskap til Herren, Allhærs Gud. Ein av dei skal kallast Ir-Haheres. [72] [73]

¹⁹På den tid skal det vera eit altar for Herren midt i Egypt og ei steinstøtte ved grensa.

²⁰Det skal vera til teikn og vitnemål for Herren, Allhærs Gud, i Egypt. Når dei ropar til Herren om hjelp mot valdsmenn, skal han senda dei ein bergingsmann og stridsmann, og han skal frelsa dei.

²¹Då skal Herren gjera seg kjend for egyptarane; dei skal læra han å kjenna på den tid. Og dei skal dyrka han med slaktoffer og grødeoffer, gje han lovnader og halda dei.

²²Herren skal slå egyptarane — slå, men lækja òg. Dei skal venda om til Herren, og han skal høyra bønene deira og lækja dei.

²³På den tid skal det vera ein jamn veg frå Egypt til Assyria. Assyrarane skal koma til Egypt og egyptarane til Assyria, og saman skal dei tena Herren.

²⁴På den tid skal Israel — den tredje i lag med Egypt og Assyria — vera ei velsigning midt på jorda.

²⁵Herren, Allhærs Gud, skal velsigna dei og seia: Velsigna vere Egypt, mitt folk, Assyria, eit verk av mi hand, og Israel, min eigedom!