Read nynorsk 1978 Jesaja 2 Bible Online

Jesaja 2 - nynorsk 1978 bible

Jesaja 2

¹Det ordet som Jesaja, son til Amos, fekk i eit syn om Juda og Jerusalem:

²I dei siste dagar skal det henda at Herrens tempelberg skal stå grunnfest høgt over alle fjell og lyfta seg opp over haugane. Dit skal alle folkeslag strøyma.

³Mange folk skal gå av stad ¬og seia: «Kom, lat oss fara opp ¬til Herrens fjell, til huset åt Jakobs Gud, så han kan læra oss sine vegar, og vi kan ferdast på hans ¬stigar! For frå Sion skal lovlære gå ut, og Herrens ord frå Jerusalem.»

⁴Han skal døma ¬mellom folkeslaga, skifta rett for mange folk. Då skal dei smida sverda sine ¬om til plogjern og spyda sine til vingardsknivar. Folk skal ikkje meir ¬lyfta sverd mot folk og ikkje lenger læra å føra krig.

⁵Kom, Jakobs ætt, lat oss ferdast i Herrens ljos!

⁶Du har støytt frå deg folket ditt, ¬Jakobs ætt. For dei fer med kunster ¬som folket i Austerland, driv med spådom ¬som filistarane og gjev handslag ¬til framande folk.

⁷Landet deira er fullt ¬av sølv og gull, det er ingen ende ¬på skattane deira. Landet deira er fullt av hestar, det er ingen ende ¬på vognene deira.

⁸Landet deira er fullt ¬av avgudar; dei bøyer seg og tilbed det dei har laga ¬med eigne hender, det dei har gjort ¬med eigne fingrar.

⁹Då skal mennesket bøyast og mannen audmykjast. Tilgjev dei ikkje!

¹⁰Fly inn i fjellet, ¬gøym deg i jorda for Herren som vekkjer redsle, og for hans stordom og velde!

¹¹Mannen må slå ¬sine stolte augo ned, og det hovmodige mennesket ¬vert bøygt. Einast Herren er høg den ¬dagen.

¹²For Herren, Allhærs Gud, har sett ein dag til dom over alt som er stort og stolt, over alt som ris i veret — det skal siga i hop, [6]

¹³over alle sedrar på Libanon som lyfter seg høgt og byrgt, over alle eiker i Basan,

¹⁴over alle høge fjell og alle ruvande høgder,

¹⁵over alle høge tårn og alle festningsmurar,

¹⁶over alle Tarsis-skip og alle fagre skuter.

¹⁷Då vert det stolte mennesket ¬bøygt og den hovmodige mannen ¬audmykt. Einast Herren er høg ¬den dagen.

¹⁸Og med avgudane ¬er det ute for alltid.

¹⁹Då skal folk fly inn i hellerar og gøyma seg i jordholer for Herren som vekkjer redsle, og for hans stordom og velde, når han reiser seg ¬og skræmer jorda.

²⁰Den dagen skal menneska ¬kasta frå seg avgudane av sølv og gull, som dei har laga seg og tilbed, kasta dei for moldvarp ¬og flaggermus

²¹og fly inn i fjellholer og gøyma seg i bergkløfter for Herren som vekkjer redsle, og for hans stordom og velde, når han reiser seg ¬og skræmer jorda.

²²Hald opp med å lita ¬på menneske som berre har ein pust i nasen! Kva er dei å rekna for?