Read nynorsk 1978 Jesaja 23 Bible Online

Jesaja 23 - nynorsk 1978 bible

Jesaja 23

¹Domsord mot Tyrus. Set i med klagerop, ¬de Tarsis-skip, for byen er herja, husa er borte! Då dei kom frå kittearlandet, fekk dei melding om det.

²Ver stille, ¬de som bur utmed havet, og de som driv handel i Sidon! Over havet ¬fór dine utsende menn,

³over dei store hav. Av korn som dei sår ved Sjikor, og korn som dei haustar ¬ved Nilen, hadde byen si inntekt; han handla med mange folk. [82]

⁴Ver skamfull, Sidon, du faste borg utmed havet! For så seier havet: «Eg har ikkje rier ¬og får ikkje born; unge gutar har eg ikkje ale, og unge jenter ¬har eg ikkje fostra.»

⁵Når dei får høyra ¬om dette i Egypt, skjelv dei ved tidenda ¬om Tyrus.

⁶Far over til Tarsis, set i med klagerop, de som bur utmed havet!

⁷Er dette dykkar jublande by, som vart til i eldgamal tid, som førte sitt folk på raske føter til framande land, ¬der dei kunne bu?

⁸Kven har sett seg føre dette mot Tyrus, ¬dronninga mellom byar, der handelsmenn var fyrstar og kræmarar ¬stormenn på jorda?

⁹Herren, Allhærs Gud, ¬har sett seg føre å audmykja alt ¬som er stort og stolt, og vanæra alle stormenn ¬på jorda.

¹⁰Dyrk jorda, de Tarsis-folk, så som dei gjer nedmed Nilen. Her er ikkje hamner meir.

¹¹Herren har rett ut si hand ¬over havet og fått kongerike til å skjelva. Han har sagt frå ¬at festningane i Kanaan skal jamnast med jorda.

¹²Han seier: ¬Du skal ikkje jubla meir, du trælka møy, ¬du Sidons dotter. Stå opp ¬og dra til kittearlandet! Heller ikkje der ¬skal du finna ro.

¹³Sjå, det var ikkje Assur, ¬men folket i Kaldea som gjorde byen ¬til ei øydemark. Dei reiste sine ¬kringsetjingstårn, jamna borgene med jorda og la han i grus. [83]

¹⁴Set i med klagerop, ¬de Tarsis-skip, for borga dykkar er herja.

¹⁵På den tid skal Tyrus gløymast i sytti år, så lenge som ein konge lever. Men når sytti år er lidne, skal det gå Tyrus som det heiter i visa om gatejenta:

¹⁶Ta di lyre og gå ikring i byen, du gløymde skjøkje! Spela fagert, syng alt du kan, så folk kan minnast deg. [84]

¹⁷Når dei sytti åra er lidne, skal Herren ta seg av Tyrus. Då skal byen atter få horeløn og driva utukt med alle kongerike på den vide jord.

¹⁸Men den vinning og løn som byen får, skal vera helga til Herren. Det skal ikkje sparast og gøymast. Dei som bur for Herrens åsyn, skal få denne vinsten, så dei kan eta seg mette og kjøpa seg dyre klede.