Read nynorsk 1978 Jesaja 24 Bible Online

Jesaja 24 - nynorsk 1978 bible

Jesaja 24

¹Sjå, Herren gjer jorda ¬aud og snau, endevender heile hennar flate og spreier dei som bur der.

²Då går det presten som folket, herren som trælen hans og husfrua ¬som trælkvinna hennar. Det går seljaren som kjøparen, lånaren ¬som den han har lånt av, og långjevaren ¬som skuldmannen hans.

³Aud, ja aud skal jorda verta, herjast og plyndrast skal ho; for dette ordet har Herren tala.

⁴Jorda sturer og visnar, jorderiket tærest og turkar, både himmel og jord ¬sjuknar bort.

⁵Jorda er vanhelga av dei som bur der. For dei har sett seg ¬ut over lover, levt i strid med føresegner og brote den evige pakt.

⁶Difor skal forbanning gjera ende på jorda, og dei som bur der, må bøta for si skuld. Difor minkar folket på jord, og få er dei som vert att.

⁷Vinen turkar bort, ¬vintreet visnar, og alle som var glade, sukkar.

⁸Det er slutt ¬på den lystige trommeklang, slutt på ståk og jubelrop; dei glade tonar ¬frå lyra har stilna.

⁹Syngjande tømer dei ¬ikkje vinstaupet meir, beisk er den sterke drikken.

¹⁰Den aude byen ligg knust, kvart hus er stengt, ¬så ingen slepp inn.

¹¹På gatene jamrar dei av di dei ikkje får vin, all jubel er borte, gleda er lyst frå landet.

¹²Berre uhyggje er att i byen, og porten ligg krasa.

¹³For mellom folka på jord skal det gå på same vis som når ein slår ned oliven eller sankar druer som heng att når vinhausten er til ende.

¹⁴Men somme lyfter si røyst og jublar over Herrens velde. Dei ropar av glede i vest:

¹⁵«Gjev Herren ære, de som bur i Austerland! Pris namnet åt Herren, ¬Israels Gud, de som bur på øyar ¬og strender!»

¹⁶Frå heimsens ende ¬høyrer vi songar: Ære vere Den Rettferdige! Men eg må seia: Eg går til grunne! Ve meg, eg går til grunne! Ransmenn ranar, ja, ransmenn ranar og herjar.

¹⁷Det vert gru og grav og garn for deg som bur på jorda.

¹⁸Den som rømer ¬for det grufulle ståket, skal falla i grava, og den som kjem seg opp ¬or grava, skal fangast i garnet. For lukene i det høge er opna, og grunnvollane ¬under jorda skjelv.

¹⁹Jorda brest og knest, jorda ragar og svagar, jorda skjek og skjelv.

²⁰Jorda ragar ¬som ein drukken mann og svagar ¬som vaktmannens skur. Tungt ligg synda på henne, ho fell og reiser seg ikkje meir.

²¹Den dagen skal Herren straffa himmelhæren i det høge og kongane nede på jorda. [85]

²²Dei skal samlast ¬som fangar i hola, stengjast inne i fengsel og langt om lenge få si straff.

²³Då skal månen blygjast ¬og sola skjemmast; for Herren, Allhærs Gud, ¬er konge på Sion-fjellet og i Jerusalem, og syner sin herlegdom ¬for sine eldste.