Read nynorsk 1978 Jesaja 27 Bible Online

Jesaja 27 - nynorsk 1978 bible

Jesaja 27

¹Den dagen skal Herren ¬med sitt sverd, det harde og store og sterke, straffa Leviatan, ormen som rømer så raskt, Leviatan, ¬ormen som buktar seg fram. Han skal drepa draken ¬som er i havet.

²Den dagen skal dei seia: Syng om den herlege ¬vingarden!

³Det er eg, Herren, ¬som vaktar han og vatnar han til kvar tid. Eg vaktar han dag og natt, så ingen skal skada han.

⁴Eg er ikkje lenger harm. Men finn eg torn og tistel, då går eg til strid imot dei og brenner opp alt i hop,

⁵— om dei då ikkje ¬søkjer vern hjå meg, og gjer fred, ja, gjer fred med meg.

⁶I dagar som kjem ¬skal Jakob røta seg, Israel skal veksa og bløma og fylla heile verda med frukt.

⁷Har vel Herren slege Israel som han slo dei ¬som slo hans folk? Eller har Israel vorte drepe som drapsmennene åt folket ¬vart drepne?

⁸Du tukta folket då du skræmde det opp ¬og jaga det bort. Herren støytte det frå seg med sin sterke pust den dagen det storma frå aust.

⁹Men såleis ¬skal Jakobs skuld sonast, og dette er frukta når hans synd vert bortteken: Alle altarsteinane ¬skal han knusa, som når kalkstein vert knust. Asjera-pålane ¬og røykjelsesaltara skal ikkje verta ståande.

¹⁰Einsam ligg festningsbyen, ein folketom bustad, ¬aud som øydemarka. Der går kalvar og beiter, dei roar seg der og et ¬kvar kvist.

¹¹Når greinene turkar, ¬bryt ein dei av, kvinner kjem ¬og nører opp eld med dei. For dette er eit uvitug folk. Difor syner skaparen ¬dei inga medkjensle, han som laga dei, ¬er dei ikkje nådig.

¹²Den dagen skal Herren ¬slå fruktene ned frå den strøymande Storelv ¬til Egyptarbekken, og de, Israels søner, skal samlast inn, ein for ein.

¹³Den dagen skal dei blåsa ¬i eit stort horn. Då kjem dei bortkomne ¬i Assyria heim att og dei som er spreidde i Egypt. Og dei skal tilbe Herren på det heilage fjellet ¬i Jerusalem.