Read nynorsk 1978 Jesaja 3 Bible Online

Jesaja 3 - nynorsk 1978 bible

Jesaja 3

¹Sjå, Herren, Allhærs Gud, tek bort frå Jerusalem ¬og Juda kvar stav dei stør seg til: kvar støtte av brød ¬og kvar støtte av vatn,

²både krigar og stridsmann, domar, profet, ¬spåmann og eldste,

³femtimannsførar ¬og høgvørd mann, rådgjevar, trollmann ¬og kunnig åndemanar.

⁴Så gjev eg dei born ¬til styresmenn, villstyringar skal rå over dei.

⁵Folk skal vera harde ¬med kvarandre, mann med mann ¬og granne med granne; guten skal setja seg opp ¬mot den gamle, fanten mot fagnamannen.

⁶Når ein mann tek fatt ¬i ein annan i huset åt far hans og seier: «Du har ei kappe, ¬du skal vera vår hovding, over denne ruinen ¬skal du styra,»

⁷så tek den andre til ords ¬og svarar: «Eg vil ikkje fetla sår. I mitt hus finst det korkje brød ¬eller klede. Set ikkje meg til hovding ¬over folket!»

⁸Ja, Jerusalem snåvar, ¬og Juda fell, for i ord og gjerning ¬står dei Herren imot og trassar hans herlege åsyn.

⁹Deira andletsuttrykk ¬vitnar imot dei, og liksom folket i Sodoma talar dei utan dulsmål ¬om si synd. Ve dei! ¬Dei fører ulukke over seg. [7]

¹⁰Sei at det går den ¬rettferdige vel, han skal nyta frukta ¬av sine gjerningar.

¹¹Men ve den gudlause! ¬Han går det ille, han får att for det han har gjort.

¹²Mitt folk har born ¬til styresmenn og kvinner rår over det. Mitt folk, ¬dine leiarar fører deg vilt, gjer vegen du går på, til ¬villstig.

¹³Herren stig fram og vil ¬føra sak, han står opp ¬og vil døma sitt folk.

¹⁴Herren held rettargang med dei eldste og ¬stormennene i folket. «Det er de som har gnege ¬vingarden snau, rov frå dei fattige har de i husa! [8]

¹⁵Korleis kan de knusa mitt folk og slå dei hjelpelause ¬i andletet?» lyder ordet frå Herren, ¬Allhærs Gud.

¹⁶Herren har sagt: Fordi Sions døtrer briskar seg, og går med bratt nakke, spelar med augo ¬og går og trippar og ringlar med sine fotringar,

¹⁷så skal Herren la Sions døtrer verta fulle av skurv i hovudet og gjera dei snaue om panna.

¹⁸Den dagen skal Herren ta frå dei all stasen deira: fotringane, solene og halvmånane,

¹⁹øyreringane, armbanda og sløra,

²⁰hovudpynten, fotkjedene og belta, lukteflaskene og amulettane,

²¹fingerringane og naseringane,

²²høgtidsbunadene, kåpene, sjala og veskene,

²³speglane, underkjolane, hovudplagga og kasteplagga.

²⁴Då vert det illtev ¬i staden for vellukt, reip i staden for belte, fleinskalle ¬i staden for kunstige krøller, strieplagg ¬i staden for stasklede og brennemerke ¬i staden for venleik.

²⁵Mennene dine ¬skal falla for sverd, kjempene dine i striden.

²⁶Sions portar ¬skal syrgja og klaga, som når ei kvinne har mist alt og sit einsam att på jorda.