Read nynorsk 1978 Jesaja 32 Bible Online

Jesaja 32 - nynorsk 1978 bible

Jesaja 32

¹Når kongen råder ¬med rettferd, og stormenn styrer med rett,

²då vert kvar av dei ¬som ei livd mot vinden og som eit skjol mot styrtregn, som rennande bekker ¬i turt land, som skuggen av eit mektig fjell på jord som tyrstar etter vatn.

³Dei som har augo å sjå med, skal ikkje vera blinde, og dei som har øyro ¬å høyra med, skal lyda etter.

⁴Dei som ikkje tenkjer seg om, skal læra å skjøna; dei stamme skal tala ¬lett og klårt.

⁵Dåren skal ikkje lenger ¬kallast gjæv og skarven ikkje ein ¬adelsmann.

⁶For ein dåre talar dårskap, i sitt hjarta ¬legg han vonde planar: Han vil gjera gudlaus gjerning, tala vilt og vrangt mot Herren, la den sveltande sakna mat og den tyrstande vanta drikke.

⁷Skarvens våpen er vonde, han legg skamlege planar. Han vil skada dei hjelpelause ¬med lygn, og dei fattige ¬om dei hevdar sin rett.

⁸Men gjæv mann ¬legg gjæve planar, han står fast ¬på det som er gjævt.

⁹De sorglause kvinner, ¬stå opp, høyr mi røyst! De trygge døtrer, ¬vend øyra til min tale!

¹⁰År etter år skal de skjelva, ¬de trygge; for vinhausten slår feil, og det kjem ingen frukthaust.

¹¹Skjelv, de sorglause kvinner, ja, skjelv av redsle, de trygge! Kled dykk nakne, bind syrgjeplagg om hoftene!

¹²Slå dykk for bringa, ¬lat klagerop lyda over fagre marker ¬og gode vintre,

¹³over åkrane åt folket mitt, der torn og tistel skyt opp, ja, over kvar lukkeleg heim i den jublande byen!

¹⁴For slottet ligg tomt, og den ståkande hopen ¬er borte frå byen. Haugen og vakttårnet ¬har for alltid vorte til opne marker, der villesel gler seg og buskapar beiter.

¹⁵Så skal det vera til ånd frå det høge ¬vert utrend over oss. Då skal øydemarka ¬verta frukthage, og frukthagen ¬skal reknast for skog.

¹⁶Rett skal bu i øydemarka og rettferd ¬i det grøderike landet.

¹⁷Rettferda skal koma med fred, og rettferds frukt ¬er evig ro og tryggleik.

¹⁸Mitt folk skal bu ¬i eit fredeleg land, i trygge heimar, ¬der dei sorglaust kan kvila.

¹⁹Skogen skal fellast og falla, byen skal siga i røys.

²⁰Sæle er de ¬som sår attmed alle bekker, som lèt okse og esel ¬gå fritt ikring!