Read nynorsk 1978 Jesaja 35 Bible Online

Jesaja 35 - nynorsk 1978 bible

Jesaja 35

¹Øydemark og turrlende ¬skal gleda seg, den aude hei ¬skal jubla og bløma.

²Ho skal bløma som lilja og jubla, ja ropa av fryd. Libanons herlegdom ¬får ho i gåve, Karmels og Sarons prydnad. Herrens herlegdom ¬skal folket få sjå, stråleglansen frå vår Gud.

³Styrk dei kraftlause hender, gjer dei skjelvande kne sterke!

⁴Sei til dei urolege hjarto: Ver frimodige, ver ikkje redde! Sjå, der er dykkar Gud! Han kjem med straff. Gud vil gjera attergjeld. Sjølv kjem han og frelser dykk.

⁵Då skal blinde augo opnast og dauve øyro latast opp.

⁶Då skal den lame ¬springa som ein hjort og tunga åt den mållause jubla. For kjelder bryt fram ¬i øydemarka og bekker på dei turre vidder.

⁷Den gloande sand ¬vert til sevkransa sjø, det tyrste land ¬til vassrike kjelder. Sjakalars mark ¬vert ein kvilestad, der graset gror ¬mellom røyr og sev.

⁸Og der skal det ¬vera ein kongsveg, Den heilage vegen ¬skal han kallast. På den skal ingen urein ¬ferdast, det skal vera ein pilegrimsveg ¬for Guds folk; ikkje eingong dårar ¬skal fara vilt.

⁹Der skal inga løve ferdast og inkje rovdyr setja sin fot; dei skal ikkje finnast meir. Men dei utløyste ¬skal ferdast der.

¹⁰Herrens utløyste ¬skal venda heim att. Dei skal koma til Sion ¬med fagnadrop, med evig glede om si panne. Fryd og glede skal møta dei, sorg og sukk må røma.