Read nynorsk 1978 Jesaja 46 Bible Online

Jesaja 46 - nynorsk 1978 bible

Jesaja 46

¹Bel sig saman, ¬og Nebo fell. Deira bilete vert lagde ¬på lastdyr og fe. Dei som før vart borne ¬av dykk, ligg no som ei bør ¬på trøytte dyr. [129]

²Dei sig og stuper, alle saman, dei kan ikkje berga ¬dei som ber dei, men må sjølve fara or landet.

³Høyr på meg, du Jakobs ætt, alle som er att av Israels hus, de som er borne frå mors liv og lyfte på hender ¬frå mors fang:

⁴Alt til dykkar alderdom ¬er eg den same, til de grånar i håret, ¬skal eg bera dykk. Det har eg gjort, ¬og det skal eg gjera, ja, eg skal bera og berga dykk.

⁵Kven vil de setja opp mot meg og likna meg med? Kven vil de halda ¬for jamliken min?

⁶Somme auser ut gull or pungen og veg opp sølv på vekt. Dei leiger ein gullsmed ¬som lagar ein gud; så bøyer dei seg ned ¬og tilbed han.

⁷Dei tek han på aksla, ¬ber han bort og set han på plass. Så står han der og rører seg ikkje av flekken. Ropar dei til han, ¬svarar han ikkje, han bergar dei ikkje or naud.

⁸Tenk på dette og ver faste, ta det til hjarta, de svikarar!

⁹Tenk på det som hende før, heilt ifrå eldgamal tid! For eg er Gud, og ingen annan, eg er Gud, ¬og det finst ingen som eg.

¹⁰Eg kunngjer frå opphavet ¬dei siste ting, varslar føreåt ¬det som skal henda. Eg seier: «Den plan eg har lagt, ¬står fast, og alt eg vil, det gjer eg.»

¹¹Eg kallar hit ein rovfugl ¬frå aust; frå eit land langt borte ¬kallar eg han, den mannen ¬som set min plan i verk. Eg har tala og lèt det koma, eg har tenkt det ¬og lèt det henda. [130]

¹²Høyr på meg, ¬de stridlyndte menn, de som er så langt frå rettferd.

¹³Eg fører hit mi rettferd, ho er ikkje langt borte, mi frelse dryer ikkje. Så gjev eg frelse på Sion og lèt Israel ¬få sjå min herlegdom.