Read nynorsk 1978 Jesaja 52 Bible Online

Jesaja 52 - nynorsk 1978 bible

Jesaja 52

¹Vakna, vakna, kled deg i styrke, Sion! Ta på deg ditt høgtidsskrud, Jerusalem, du heilage by! For aldri meir ¬skal det koma inn i deg ein uomskoren eller urein.

²Rist av deg støvet og reis deg, set deg på trona, Jerusalem! Løys lekkjene du har ¬om halsen, du hærtekne Sion-dotter!

³Så seier Herren: For inkje vart de selde, og utan pengar ¬skal de løysast ut.

⁴For så seier Herren din Gud: I si fyrste tid ¬drog folket mitt til Egypt og heldt til der. Sidan vart dei utan grunn ¬trælka av Assur.

⁵Og no, lyder ordet frå Herren, kva skal eg gjera her når folket mitt er bortført ¬utan vederlag? Valdsherrane hyler, ¬seier Herren, og dagen lang ¬vert namnet mitt spotta.

⁶Difor skal folket mitt læra mitt namn å kjenna, ja, den dagen skal dei skjøna at det er eg som seier: ¬«Her er eg!»

⁷Kor fagert det er når han som ber gledebod, kjem springande over fjell, melder fred ¬og ber god bodskap, forkynner frelse ¬og seier til Sion: «Din Gud er konge!»

⁸Høyr, dine vaktmenn ropar, dei jublar alle i hop. For med eigne augo ser dei at Herren kjem heim att ¬til Sion.

⁹Set i med jubelrop, de aude tufter i Jerusalem! For Herren trøystar sitt folk og løyser ut Jerusalem.

¹⁰Herren syner sin heilage arm for augo på alle folkeslag. Heile den vide jord får sjå frelsa frå vår Gud. [137]

¹¹Far bort, far bort frå Babylon! Ikkje rør noko ureint! Dra ut or byen og reinsa dykk, de som ber Herrens kar! [138]

¹²For de treng ikkje ¬skunda dykk, de må ikkje røma frå byen. For Herren sjølv går føre dykk, og sist i flokken er Israels Gud.

¹³Sjå, min tenar skal ha ¬framgang, han skal stiga ¬og lyftast og opphøgjast.

¹⁴Liksom mange stokk til ¬då dei såg han — meir skamfaren var han ¬enn nokon mann, han såg ikkje ut ¬som eit menneske,

¹⁵så skal mange folkeslag ¬undrast over han, og kongar skal lata att ¬sin munn. For dei får sjå ¬det som aldri vart sagt dei, uhøyrde ting vert dei vitne til.