Read nynorsk 1978 Jesaja 54 Bible Online

Jesaja 54 - nynorsk 1978 bible

Jesaja 54

¹Rop av glede, ¬du barnlause, du som ikkje fødde! Set i med fagnadrop og jubla, du som ikkje hadde rier! For den einslege kvinna ¬har fleire born enn ho som har mann, ¬seier Herren. [140]

²Gjer større rom for teltet ditt, spenn ut dine teltdukar, ¬spar ikkje på dei, gjer snorene lange, ¬slå pluggane fast!

³For til høgre og venstre ¬skal du breia deg ut. Di ætt skal driva ut folkeslag og bu i byar som låg aude.

⁴Ver ikkje redd, du skal ikkje verta til skammar! Ver ikkje skamfull, du skal ikkje verta vanæra! No kan du gløyma ¬din ungdoms skam og ikkje meir minnast ¬din enkjestands vanære.

⁵For han som skapte deg, ¬er din mann, Herren, Allhærs Gud, ¬er hans namn; Israels Heilage er din utløysar, han som heiter Gud ¬for all jorda. [141]

⁶Som ei bortstøytt ¬og sorgfull kvinne kallar Herren deg attende. Kan ein vel vraka, ¬seier din Gud, ho som var kone ¬heilt frå sin ungdom?

⁷Ei lita stund gjekk eg frå deg, men i mi store miskunn vil eg føra deg heim att.

⁸Då vreiden steig opp i meg, løynde eg andletet for deg ¬ein augneblink. Men med evig nåde vil eg miskunna deg, seier Herren, din utløysar.

⁹For meg er dette ¬som i Noahs dagar, den gongen eg svor ¬at Noah-flaumen aldri meir skulle koma ¬over jorda. På same måten sver eg no at eg aldri meir skal harmast på deg ¬og refsa deg.

¹⁰For om fjella vik ¬og haugane vert rikka, skal min nåde ikkje vika ¬frå deg, og mi fredspakt ¬skal aldri rikkast, seier Herren, ¬som miskunnar deg.

¹¹Du arme stormdrivne, som ikkje finn trøyst! Sjå, eg legg din grunnvoll ¬med turkisar og byggjer din grunnmur ¬med safirar.

¹²Eg gjer dine murtindar ¬av rubinar, dine portar av krystallar og heile din ringmur ¬av dyre steinar.

¹³Alle dine born ¬skal vere opplærte av Herren, og stor er freden for dine søner.

¹⁴Ved rettferd ¬skal du vera grunnlagd. Ver trygg for trengsle — du har ingenting å ottast, og for redsle — ho skal ikkje nå deg.

¹⁵Går nokon til strid imot deg, kjem det ikkje frå meg. Den som tek på deg, skal falla for di hand.

¹⁶Sjå, eg skaper smeden som blæs i kolelden og lagar våpen til sitt bruk. Og eg skaper øydaren til å herja og skada.

¹⁷Ikkje eitt våpen ¬dei smider imot deg, skal visa seg gagnleg. Kvart klagemål ¬dei reiser mot deg, skal du få kjent grunnlaust. Det er den lut ¬som Herrens tenarar får, den rett eg gjev dei, ¬seier Herren.