Read nynorsk 1978 Jesaja 55 Bible Online

Jesaja 55 - nynorsk 1978 bible

Jesaja 55

¹Å, alle de tyrste, ¬kom og få vatn! Og de som ikkje har pengar, ¬kom! Kjøp korn og et! Ja, kom og kjøp utan pengar og utan betaling vin og mjølk!

²Kvi gjev de ut pengar for det som ikkje er brød, og dykkar arbeidsløn for det som ikkje kan metta? Å, høyr på meg! Så skal de få eta ¬det som godt er, og gleda dykk over feite retter!

³Vend øyra hit og kom til meg, høyr, så skal de få leva! Så gjer eg med dykk ei ¬evig pakt og syner dykk trufast ¬mi miskunn, så som eg gjorde mot David.

⁴Han sette eg til eit vitne ¬for folk, til hovding og fyrste ¬for folkeslag.

⁵Ja, du skal kalla på folk ¬du ikkje kjenner, og folk som ikkje kjenner deg, skal skunda seg til deg; for Israels Heilage, ¬Herren din Gud, har gjeve deg ære og ¬herlegdom.

⁶Søk Herren ¬medan han er å finna, kall på han ¬den stund han er nær!

⁷Den gudlause må venda seg ¬frå sin veg og ugjerningsmannen ¬frå sine tankar og snu om til Herren, så skal han visa miskunn, til vår Gud, for han er rik på tilgjeving.

⁸For mine tankar ¬er ikkje dykkar tankar, og dykkar vegar er ikkje ¬mine vegar, seier Herren.

⁹Nei, så høg som himmelen ¬er over jorda, så er mine vegar ¬høgare enn dykkar vegar og mine tankar ¬høgare enn dykkar tankar.

¹⁰Liksom regnet og snøen fell ifrå himmelen og ikkje fer opp att dit, før dei har vatna jorda og gjeve henne grorkraft ¬og grøde, ja, gjeve såkorn ¬til den som skal så, og brød til den som skal eta,

¹¹så er det òg med mitt ord, det som går ut or min munn. Det vender ikkje tomt tilbake ¬til meg, men gjer det eg vil, og fullfører det eg sender ¬det til.

¹²Ja, med glede skal de dra ut og førast lukkeleg fram. Fjell og haugar skal møta dykk med jubelrop, og alle tre på marka skal klappa i hendene.

¹³I staden for klunger skal det veksa sypressar, og myrt i staden for nesler. Det skal vera til ære for Herren, eit evig teikn som aldri skal strykast ut.