Read nynorsk 1978 Jesaja 56 Bible Online

Jesaja 56 - nynorsk 1978 bible

Jesaja 56

¹Så seier Herren: Hald lov og rett, og gjer det som rett er! For mi frelse er nær, ho kjem, og mi rettferd skal syna seg.

²Sæl er den som gjer det eg vil, kvart menneske ¬som held fast ved det, så han held sabbaten og ikkje vanhelgar han, og vaktar si hand, så han ikkje gjer vondt.

³Den framande ¬som har slutta seg til Herren, må ikkje seia: «Herren vil skilja meg ut ¬frå sitt folk.» Og den som er gjeld, ¬må ikkje seia: «Eg er berre eit turt tre.»

⁴For så seier Herren: Dei gjeldingar ¬som held mine sabbatar, som vel å gjera det eg vil, og held fast ved mi pakt,

⁵dei gjev eg ¬minnesmerke og namn i mitt hus ¬og innan mine murar. Eg gjev dei det som betre er enn søner og døtrer: ¬eit evig namn, som aldri skal rydjast ut.

⁶Og dei framande ¬som har slutta seg til Herren, som vil tena Herren ¬og elska hans namn og vera hans tenarar, alle som held sabbaten og ikkje vanhelgar han, men held fast ved mi pakt,

⁷dei fører eg til mitt heilage fjell og lèt dei gleda seg ¬i mitt bønehus. Deira brennoffer og slaktoffer skal vera til hugnad ¬på mitt altar. For mitt hus skal kallast eit bønehus for alle folk.

⁸Ja, så lyder ordet ¬frå Herren vår Gud, som samlar dei bortdrivne ¬av Israel: Endå fleire vil eg samla enn dei som alt er komne.

⁹Kom, alle dyr i marka, kom og et, alle dyr i skogen!

¹⁰Israels vaktmenn er alle blinde, dei merkar ingen ting. Alle er dei mållause hundar, som ikkje kan gøy. Dei ligg og drøymer og likar å sova. [142]

¹¹Men grådige hundar er dei, aldri vert dei mette. Og slike folk ¬skal vera hyrdingar, dei som ikkje veit å passa på! Dei vender seg alle ¬sin eigen veg, kvar til si eiga vinning.

¹²«Kom, eg skal henta vin, så vi kan drikka oss fulle! Og morgondagen ¬skal verta som denne, ein stor og herleg dag.»