Read nynorsk 1978 Jesaja 58 Bible Online

Jesaja 58 - nynorsk 1978 bible

Jesaja 58

¹Rop av full hals, ¬spar deg ikkje, lyft di røyst som ein lur! Fortel mitt folk om deira brot, Jakobs ætt om deira synder!

²Dei søkjer meg dag etter dag og vil gjerne kjenna ¬mine vegar. Lik eit folk som gjer rett og ikkje vender seg ¬frå sin Guds lov, spør dei etter ¬mine rettferdige bod og ynskjer at Gud ¬skal vera dei nær!

³«Kvifor ser du ikkje at vi fastar, og ansar ikkje at vi plagar oss?» De kjøper og sel på fastedagen og driv arbeidsfolket hardt.

⁴Når de fastar, ¬er det kiv og strid, med hogg og slag ¬av gudlause nevar. De fastar ikkje så i dag at bøna dykkar ¬kan høyrast i det høge.

⁵Er dette den faste eg vil ha: ein dag då mennesket ¬plagar seg sjølv, heng med hovudet som sevet, kler seg i botsdrakt ¬og ligg i oske? Kallar du dette for faste, er det ein dag ¬etter Herrens vilje?

⁶Nei, så er den faste ¬som eg vil ha: at du løyser dei ¬som med urett er bundne, sprengjer banda i åket og friar ut dei som er trælka, ja, knekkjer kvart åk,

⁷at du deler ditt brød ¬med dei som svelt, og lèt heimlause stakkarar ¬koma i hus, at du kler den nakne som ¬du ser, og ikkje sviktar dine eigne.

⁸Då skal ljoset ditt renna ¬som morgonroden, snart skal dei lækjast og gro, ¬dine sår. Di rettferd skal gå føre deg og Herrens herlegdom ¬sist i ferda.

⁹Då skal Herren svara når du kallar på han, når du ropar om hjelp, skal han seia: «Her er eg!» Når du tek bort ¬kvart tyngjande åk, held opp med å peika fingrar og tala vondt om andre,

¹⁰når du deler ditt brød ¬med den som svelt, og mettar den som lid naud, då skal ljoset renna ¬for deg i mørkret, og natta skal verta ¬som ljose dagen.

¹¹Herren skal alltid leia deg og metta deg i det turre land. Han skal styrkja deg; du skal verta ¬som ein vassrik hage, ja, som ei rennande kjelde der vatnet aldri tryt.

¹²Du skal byggja opp att ¬gamle ruinar og reisa grunnmurar ¬frå farne ætter. Då skal dei kalla deg ¬murbrot-bøtar, han som vøler vegar, så folk kan bu i landet.

¹³Held du foten din att ¬på sabbatsdagen, så du ikkje driv ditt yrke ¬på min heilagdag, men kallar sabbaten ei lyst og Herrens helg ¬ein høgvørd dag, held du han i ære, så du ikkje går dine ¬eigne vegar, men avstår frå handel ¬og snakk,

¹⁴då skal du ha di glede i Herren. Eg lèt deg fara ¬over høgdene i landet, du får nyta arven etter Jakob, ¬far din. Dette er ordet ¬frå Herrens munn.