Read nynorsk 1978 Jesaja 60 Bible Online

Jesaja 60 - nynorsk 1978 bible

Jesaja 60

¹Reis deg i stråleglans! For ljoset ditt kjem, og Herrens herlegdom ¬renn opp over deg.

²Sjå, mørker ligg over jorda og skydimme over folka. Men over deg ¬strålar Herren fram, over deg ¬syner hans herlegdom seg.

³Mot ditt ljos skal folkeslag fara, mot din strålande glans ¬skal kongar gå.

⁴Lyft augo og sjå deg ikring! Dei samlar seg alle ¬og kjem til deg. Dine søner ¬kjem langt bortanfrå, dine døtrer ¬vert borne på armen.

⁵Då skal du sjå det ¬og stråla av glede, hjarta skal banka og vida ¬seg ut. For havsens rikdom ¬strøymer imot deg, skattane åt folka kjem til deg.

⁶Kamelar i mengd fyller landet, kamelfolar frå Midjan og Efa. Dit kjem alle frå Saba, gull og røykjelse ¬fører dei med seg. Med glede forkynner dei ¬Herrens pris. [148]

⁷Alle sauer frå Kedar ¬samlast hjå deg, verar frå Nebajot ¬står til di teneste. Til glede for meg ¬skal dei ofrast på mitt altar, og eg vil pryda ¬mitt herlege tempel.

⁸Kven er desse som kjem lik drivande skyer, lik duer som flyg til sine hus?

⁹Øyar og strender ventar ¬på meg. Fremst går Tarsis-skipa. Langt bortanfrå ¬fører dei dine søner og deira gull og sølv med dei, til ære for namnet ¬åt Herren din Gud, for Israels Heilage, ¬som gjev deg slik heider.

¹⁰Framande skal byggja ¬dine murar, og deira kongar skal tena deg. I min harme har eg slege deg, men i min nåde ¬miskunnar eg deg.

¹¹Dine portar skal alltid ¬stå opne, korkje dag eller natt ¬skal dei stengjast, så rikdomen åt folka ¬kan førast til deg og kongane deira ¬i fangeflokken.

¹²For det folk og det rike som ikkje vil tena deg, skal gå til grunne, og folkeslag skal rydjast ut.

¹³Til deg kjem ¬Libanons herlege tre, både sypress og gran ¬og buksbom; dei skal pryda den stad der min heilagdom står, og æra den stad der eg set min fot.

¹⁴Sønene til dei som trælka deg, kjem og bøyer seg djupt ¬for deg. Alle som vanvørde deg, kastar seg ned for dine føter. Dei skal kalla deg Herrens by, Sion, som høyrer ¬Israels Heilage til.

¹⁵Før sat du einsam og hata, ingen såg innom deg. Men no gjer eg deg stor ¬for alltid, til ei glede frå ætt til ætt.

¹⁶Då skal du suga mjølk frå folka, ved kongars bryst ¬skal du næra deg. Du skal kjenna at eg, Herren, ¬er din frelsar, at Jakobs Veldige ¬er din utløysar. [149]

¹⁷Eg gjev deg gull ¬i staden for kopar og sølv i staden for jern; eg gjev deg kopar ¬i staden for tre og jern i staden for stein. Fred lèt eg råda over deg og rettferd styra deg.

¹⁸Det skal ikkje meir høyrast ¬om vald i ditt land, om herjing og øyding ¬innan dine grenser. Du skal kalla dine murar Frelse og dine portar Lovsong.

¹⁹Då treng ikkje sola lysa for deg ¬om dagen eller månen om natta. For Herren skal vera ditt ljos ¬for evig, din Gud skal vera ¬din herlegdom.

²⁰Aldri meir skal sola di glada eller månen din missa ¬sin glans. For Herren skal vera ditt ljos ¬for evig. Dine syrgjedagar er enda.

²¹I ditt folk ¬skal alle vera rettferdige, dei skal eiga landet til evig tid. Dei er ei plante i min hage, eit verk eg har gjort til mi ære.

²²Den minste skal verta til tusen, den ringaste til eit mektig folk. Eg er Herren, og eg lèt det henda, brått, i si tid.