Read nynorsk 1978 Jesaja 64 Bible Online

Jesaja 64 - nynorsk 1978 bible

Jesaja 64

¹Gjev du kløyvde himmelen og steig ned, så fjella skalv for deg, som når elden fatar i risved og får vatnet til å koka. Då skulle dine fiendar ¬få kjenna ditt namn og folkeslag skjelva ¬for ditt åsyn,

²når du gjorde under ¬som ingen venta, og steig ned ¬så fjella skalv for deg.

³Aldri har nokon høyrt ¬eller spurt, aldri har auga sett nokon annan gud enn deg som kan gjera slikt for dei som ventar på han.

⁴Du møter dei ¬som med glede gjer rett, og tenkjer på ¬korleis du går fram. Men du vart harm, og vi synda. Så har det alltid vore — kan vi då verta frelste?

⁵Alle vart vi som ureine, som skite ty vart all ¬vår rettferd. Vi vart alle som vise lauv, våre misgjerningar bles ¬oss bort som vinden.

⁶Det finst ingen ¬som kallar på ditt namn, ingen som tek seg saman og held fast på deg. For du har løynt ditt åsyn ¬for oss og gjeve oss våre synder i vald.

⁷Men du, Herre, er då vår far! Vi er leira, og du har skapt oss, alle er vi eit verk av di hand.

⁸Herre, ¬lat ikkje harmen din loga, kom ikkje evig i hug vår skuld! Sjå ned til oss, vi er då alle ditt folk!

⁹Aude ligg dine heilage byar, Sion er ei øydemark og Jerusalem ei audn.

¹⁰Vårt heilage, herlege tempel, der fedrane våre lova deg, har vorte eit rov for elden. Alt det vi var glade i, ligg i røys.

¹¹Kan du roleg sjå på dette, ¬Herre, teia og audmykja oss så djupt?