Read nynorsk 1978 Jesaja 7 Bible Online

Jesaja 7 - nynorsk 1978 bible

Jesaja 7

¹På den tid då Akas, son til Jotam og soneson til Ussia, var konge i Juda, drog Resin, kongen i Aram, saman med Pekah Remaljason, kongen i Israel, opp til Jerusalem og ville ta byen. Men han greidde ikkje å koma til med noko åtak.

²Det vart meldt til Davids hus at aramearane hadde slege leir i Efraim. Då skalv hjarta åt kongen og folket, liksom trea i skogen skjelv i vinden. [17]

³Men Herren sa til Jesaja: «Gå og møt Akas, du og Sjear-Jasjub, son din, ved enden av vassleidningen frå Øvredammen, på vegen til Bleikjevollen! [18] [19]

⁴Og sei til han: Ta deg i vare og hald deg i ro! Ver ikkje redd, og miss ikkje motet for desse to rykande vedskiene, for den brennande harmen åt Resin og Aram og Remalja-sonen!

⁵For aramearane har lagt vonde planar mot deg, saman med Efraim og Remalja-sonen. Dei seier:

⁶Lat oss fara opp mot Juda og setja støkk i folket, leggja landet under oss og gjera Tabe’el-sonen til konge der!»

⁷Men så seier Herren Gud: «Det skal ikkje vara ved, og så skal det ikkje vera

⁸at Damaskus er Arams hovud og Resin hovding i Damaskus — om sekstifem år ¬er det ute med Efraim, så det ikkje meir er eit folk,

⁹at Samaria er Efraims hovud og Remalja-sonen ¬hovding i Samaria. Vil de ikkje tru, ¬skal de ikkje trygt få bu.»

¹⁰Herren tala atter til Akas og sa:

¹¹«Krev deg eit teikn av Herren din Gud! Krev det nede i dødsriket eller oppe i høgda!»

¹²Men Akas svara: «Eg vil ikkje krevja noko, eg vil ikkje setja Herren på prøve.»

¹³Då sa profeten: «Så høyr då, du Davids hus! Er det ikkje nok at de trøyttar menneske, sidan de trøyttar min Gud òg?

¹⁴Difor skal Herren sjølv gje dykk eit teikn: Sjå, ei møy skal verta med barn og føda ein son, og ho skal kalla han Immanuel. [20] [21]

¹⁵Rjome og honning skal han eta ved det leitet då han skjønar å vraka det vonde og velja det gode.

¹⁶For før guten skjønar å vraka det vonde og velja det gode, skal det verta audt i landet åt dei to kongane som du reddast for.

¹⁷Og over deg og folket ditt og farshuset ditt skal Herren la det koma dagar som det ikkje har vore maken til sidan Efraim skilde seg frå Juda — Assur-kongen.» [22]

¹⁸Den dagen skal Herren plystra på flugene attmed elvosane ¬i Egypt og på biene i Assyria. [23]

¹⁹Alle skal koma og slå seg ned i tronge dalar og fjellkløfter, i alle klungerrunnar og på alle brynnings-stader.

²⁰Den dagen skal Herren ¬raka av håret med ein kniv han har leigt på hi sida av Storelva, med kongen i Assyria. Både ovantil og nedantil skal han raka av alt hår; jamvel skjegget ¬skal han skrapa bort.

²¹På den tid ¬skal ein mann kunna halda ei kvige og eit par sauer,

²²og dei skal gje så mykje mjølk at han kan eta rjome. Ja, rjome og honning ¬skal dei eta, alle som er att i landet.

²³På den tid skal det henda at kvar stad ¬der det no står tusen vintre, som er verde tusen sekel sølv, skal det berre veksa ¬torn og tistel.

²⁴Med pil og boge ¬går ein dit, for landet er fullt ¬av torn og tistel.

²⁵Til alle lier ¬der dei no brukar hakke, kjem du ikkje meir ¬av redsle for torn og tistel. Dei skal verta til hamnegang ¬for oksar og trakkast ned av sauer.