Read nynorsk 1978 Jeremia 1 Bible Online

Jeremia 1 - nynorsk 1978 bible

Jeremia 1

¹Ord av Jeremia, son til Hilkia, ein av prestane i Anatot i Benjamins-landet.

²Herrens ord kom til han på den tid då Josjia, son til Amon, var konge i Juda, i det trettande styringsåret hans.

³Det kom òg til han på den tid då Jojakim, son til Josjia, var konge i Juda, og heilt til slutten av det ellevte året Sidkia, son til Josjia, styrte i Juda, det året då folket i Jerusalem vart bortført i den femte månaden.

⁴Herrens ord kom til meg, og det lydde så:

⁵«Før eg forma deg i mors liv, ¬kjende eg deg, og før du vart fødd, ¬helga eg deg; til profet for folka sette eg deg.»

⁶Men eg svara: «Å, Herre Gud, eg duger ikkje til å tala; eg er så ung!»

⁷Då sa Herren til meg: «Sei ikkje: Eg er så ung! Alle eg sender deg til, ¬skal du gå til, og alt det eg byd deg, ¬skal du tala.

⁸Ver ikkje redd dei, for eg vil vera med deg ¬og berga deg,» lyder ordet frå Herren.

⁹Så rette Herren ut handa og tok på munnen min. Og Herren sa til meg: «Sjå, eg legg orda mine ¬i din munn.

¹⁰Eg set deg i dag ¬over folk og rike til å rykkja opp og riva ned, til å øydeleggja og bryta sund, til å byggja og planta.»

¹¹Herrens ord kom til meg, og det lydde så: «Kva ser du, Jeremia?» Eg svara: «Eg ser ei grein av vaketreet.» [1]

¹²Då sa Herren til meg: «Du såg rett; for eg vil vaka over mitt ord og setja det i verk.»

¹³Herrens ord kom til meg andre gongen: «Kva ser du?» Eg svara: «Eg ser ei kokande gryte; ho hallar hit frå nord.»

¹⁴Då sa Herren til meg: [2] Frå nord skal ulukka ¬sleppast laus over alle som bur i landet.

¹⁵For sjå, eg kallar på alle folk i rika der nord, seier Herren. Dei skal koma ¬og reisa kvar sin kongsstol beint framfor portane ¬i Jerusalem, mot alle murane ikring og mot alle byane i Juda.

¹⁶Då vil eg døma dei ¬for all deira vondskap, fordi dei vende seg bort ¬frå meg, brende offer for andre gudar og tilbad ting ¬dei sjølve hadde laga.

¹⁷Men du, spenn beltet om livet og stå fram og tal til dei alt det eg byd deg! Ver ikkje redd dei, elles gjer eg deg redd dei!

¹⁸Sjå, eg gjer deg i dag ¬til ei fast borg, til ein jernstolpe ¬og ein bronsemur mot heile landet, mot kongane og ¬stormennene i Juda, mot prestane og folket ¬i landet.

¹⁹Dei skal strida mot deg, ¬men ikkje vinna; for eg vil vera med deg ¬og berga deg, lyder ordet frå Herren.