Read nynorsk 1978 Jeremia 21 Bible Online

Jeremia 21 - nynorsk 1978 bible

Jeremia 21

¹Dette er det ordet som kom til Jeremia frå Herren då kong Sidkia sende til han Pasjkur, son til Malkia, og presten Sefanja, son til Ma’aseja. Dei sa:

²«Spør Herren til råds for oss! For Nebukadnesar, kongen i Babylonia, strider imot oss. Kanskje Herren vil gjera eit under, som han så ofte har gjort, så fienden fer sin veg.»

³Jeremia svara dei: De skal seia til Sidkia:

⁴Så seier Herren, Israels Gud: Når de strider utanfor muren mot babylonarkongen og kaldearane som kringset dykk, driv eg dykk attende, og dei krigsvåpna de brukar, samlar eg midt i denne byen.

⁵Sjølv vil eg strida mot dykk med utrett hand og sterk arm, i vreide, harme og stor uvilje.

⁶Eg vil slå i hel dei som bur her i byen, både folk og fe; i ein hard pest skal dei døy.

⁷Og sidan, lyder ordet frå Herren, gjev eg Juda-kongen Sidkia og mennene hans og folket — dei som er att her i byen etter pesten, sverdet og svolten — i hendene på babylonarkongen Nebukadnesar, på fiendane deira og på folk som står dei etter livet. Med kvasse sverd skal dei hogga dei ned utan medkjensle, medynk eller miskunn.

⁸Og til dette folket skal du seia: Så seier Herren: Sjå, eg legg fram for dykk vegen til livet og vegen til døden.

⁹Den som vert verande her i byen, skal døy for sverd, av svolt og i pest. Men den som går ut og gjev seg over til kaldearane, som kringset dykk, skal koma frå det og berga livet.

¹⁰For eg vender augo mot denne byen og vil senda ulukke og ikkje lukke, lyder ordet frå Herren. Byen skal gjevast i hendene på babylonarkongen, og han skal setja eld på han.

¹¹Om kongehuset i Juda.

¹²Høyr Herrens ord, ¬du Davids ætt! Så seier Herren: Døm rettferdig kvar morgon, fri den som er rana, ¬or valdsmannens hand. Elles skal harmen min ¬loga som eld og brenna ¬utan at nokon sløkkjer for alt det vonde de har gjort.

¹³No kjem eg mot deg, du by som tronar over dalen, du berg på sletta, lyder ordet frå Herren. De seier: «Kven kan koma ned mot oss og trengja inn i våre ¬bustader?»

¹⁴Men eg vil straffa dykk, det er frukta ¬av dykkar gjerningar, lyder ordet frå Herren. Eg set eld på skogen i byen, og han skal øyda alt ikring. [49]