Read nynorsk 1978 Jeremia 47 Bible Online

Jeremia 47 - nynorsk 1978 bible

Jeremia 47

¹Dette er Herrens ord som kom til profeten Jeremia om filistarane, før farao slo Gasa. [104]

²Så seier Herren: Sjå, vatnet stig frå nord og vert til ei fløymande elv; ho renn ut over landet ¬og alt som i det er, byane og dei som der bur. Menneska klagar og skrik, alle som bur i landet, jamrar

³når dei høyrer hovslag ¬av sterke hestar, vogner som ramlar ¬og hjul som dundrar. Fedrane ser ikkje etter borna, hendene deira er som lame.

⁴For dagen er komen då filistarane ¬skal gå heilt til grunne. I Tyrus og Sidon ¬vert dei utrudde alle som slapp unna ¬og kunne hjelpa. For Herren gjer ende ¬på filistarane, dei som er att ¬av folket frå Kaftor-øya.

⁵Gasa er raka snau, Asjkalon har tagna. Du som er att nedi låglandet, kor lenge vil du rispa deg opp?

⁶Å, du Herrens sverd, kor lenge skal det vara før du fell til ro? Dra deg inn att i slira, og hald deg still ¬og roleg!

⁷Korleis kan det falla til ro? Herren har då kalla det ut, sendt det til Asjkalon ¬og til havsens strand.