Read nynorsk 1978 Klagesongane 5 Bible Online

Klagesongane 5 - nynorsk 1978 bible

Klagesongane 5

¹Kom i hug, Herre, ¬det som har hendt oss, sjå hit og legg merke til ¬kor vi vert spotta!

²Vårt land er kome i hendene ¬på framande, utlendingar har fått våre hus.

³Foreldrelause er vi vortne, vi har ingen far; mødrene våre er som enkjer.

⁴Vi må kjøpa det vatnet ¬vi drikk, og betala den veden vi brukar.

⁵Våre forfylgjarar ¬har vi på nakken, vi er trøytte og får ikkje kvila.

⁶Vi rette ut handa til Egypt ¬og til Assur, så vi kunne mettast med brød.

⁷Våre fedrar synda; dei er borte, men vi ber straffa ¬for deira skuld.

⁸Trælar er våre herrar, og ingen riv oss ut ¬or deira hand. [11]

⁹Vi hentar vårt brød ¬med fare for livet, sverdet trugar i øydemarka.

¹⁰Vår hud er heit som ein omn, for svolten gneg i kroppen.

¹¹Dei krenkte kvinner i Sion og unge jenter i byane i Juda.

¹²Dei tok og hengde stormenn og hadde ingen vørdnad ¬for dei eldste.

¹³Unge menn ¬laut slita med kverna, og gutar seig under vedbøra.

¹⁴Dei gamle ¬sit ikkje lenger i porten, det er slutt ¬med ungdomens ¬strengespel.

¹⁵Vi er ikkje lenger glade, dansen er omsnudd til sorg.

¹⁶Kransen er fallen ¬av vårt hovud. Ve oss, vi har synda!

¹⁷Difor er hjarta vårt sjukt, augo våre har mist sin glans.

¹⁸For Sion-fjellet ligg audt, der renner no revar ikring.

¹⁹Men du, Herre, ¬tronar til evig tid, din kongsstol står ¬frå ætt til ætt.

²⁰Kvifor vil du gløyma oss ¬for alltid, gå frå oss for lange tider?

²¹Herre, før oss atter til deg, så vi kan koma att. Lat våre dagar verta som før!

²²Eller har du vraka oss heilt og vorte brennande harm ¬på oss?