Read nynorsk 1978 Esekiel 15 Bible Online

Esekiel 15 - nynorsk 1978 bible

Esekiel 15

¹Herrens ord kom til meg, og det lydde så:

²Menneske, er vintreet betre enn andre tre, vinranka som står mellom trea i skogen? [35]

³Kan veden av det brukast til emne, eller kan ein laga ein knagg av han til å hengja alle slag reiskapar på?

⁴Når veden vert nytta til brensel, så han vert brend i begge endane og svidd på midten, duger han då til emne?

⁵Nei, jamvel då han var uskadd, kunne han ikkje brukast til emne. Kor mykje mindre når elden har brent han så han er svidd!

⁶Difor seier Herren Gud: Som eg gjer med vintreet mellom trea i skogen når eg nyttar det til brensel, så gjer eg med folket i Jerusalem,

⁷når eg vender meg mot dei. Dei har sloppe frå elden, men elden skal øyda dei. Og då, når eg vender meg mot dei, skal de sanna at eg er Herren.

⁸Eg gjer landet til ei audn fordi dei har vore trulause, lyder ordet frå Herren Gud.