Read nynorsk 1978 Esekiel 27 Bible Online

Esekiel 27 - nynorsk 1978 bible

Esekiel 27

¹Herrens ord kom til meg, og det lydde så:

²Du menneske, set i med ein klagesong over Tyrus!

³Sei til Tyrus som ligg der med ope tilgjenge til havet, og som handlar med folk på mange strender: Så seier Herren Gud: Tyrus, du har sagt ¬om deg sjølv: «Fullkomen er eg i venleik.»

⁴Midt uti havet ¬går dine grenser; dei som bygde deg, gjorde deg storfager.

⁵Av sypressar frå Senir laga dei alle dine plankar; sedrar henta dei frå Libanon og bygde deg ei mast. [66]

⁶Årane dine laga dei av store tre frå Basan og stamnen, ¬innlagd med elfenbein, av sypressar ¬frå kittearstrendene.

⁷Seglet, ¬som skulle vera ditt merke, var av fargerikt lin frå Egypt, og taket i kahytta av purpur, raudt og fiolett, ¬frå Elisja-strendene. [67]

⁸Folk frå Sidon og Arvad var rorskarar hjå deg, Tyrus, og dei mest dugande ¬mennene dine hadde du til styrmenn. [68]

⁹Gamle og kunnige menn ¬frå Byblos var hjå deg ¬og bøtte skadane dine. Alle skip på havet ¬og sjømennene om bord kom til deg og bytte varer.

¹⁰Menn frå Persia, Lud og Put gjorde teneste i hæren din. Skjold og hjelmar ¬hengde dei opp hjå deg, og dei kasta glans over deg. [69]

¹¹Menn frå Arvad stod saman med krigarane dine rundt ikring på murane, og dei var vaktmenn i tårna. Skjolda sine hengde dei opp rundt ikring på murane dine. Såleis gjorde dei deg fullkomleg fager.

¹²Tarsis handla med deg fordi du hadde så mykje av alle slag varer. Det dei kjøpte av deg, betalte dei med sølv og jern, tinn og bly.

¹³Javan, Tubal og Mesjek dreiv handel med deg. Dei gav deg trælar og bronsekar i byte. [70]

¹⁴Frå folket i Togarma fekk du arbeidshestar, ridehestar og muldyr for varene dine. [71]

¹⁵Folk frå Rhodos handla med deg, ja mange øyar gjorde oppkjøp hjå deg. I staden gav dei deg elfenbein og ibenholt.

¹⁶Edomittane handla med deg fordi du hadde så mange varer. I byte gav dei deg edelsteinar, raudt purpur og fargerikt ty, fint lin, korallar og rubinar.

¹⁷Juda og Israel dreiv handel med deg. Kveite frå Minnit, bakverk, honning, olje og balsam gav dei deg i byte. [72]

¹⁸Damaskus handla med deg fordi du hadde så store mengder med varer og allslags gods. Dei kom med vin frå Helbon og ull frå Sahar. [73]

¹⁹Dan og Javan gav deg varer frå Usal for det dei kjøpte av deg. Smijern, kanel og kalmus fekk du i byte. [74] [75]

²⁰Dedan dreiv handel med deg; dei selde stoff til rideteppe. [76]

²¹Arabarane og alle hovdingane i Kedar dreiv oppkjøp hjå deg. Lam og verar og bukkar gav dei deg i byte.

²²Kjøpmenn frå Saba og Rama handla med deg. Den finaste balsam, alle slag dyre steinar og gull gav dei for varene dine. [77]

²³Folk frå Karan, Kanne og Eden og kjøpmenn frå Saba, Assur og Kilmad dreiv òg handel med deg. [78] [79]

²⁴På marknaden din selde dei staselege klede og purpurkapper, mangleta ty og teppe i to fargar og snorer som var tvinna fast.

²⁵Tarsis-skip ¬var dine handelskaravanar. Du var fylt av varer ¬og tungt lasta når du drog langt til havs.

²⁶Dine rorskarar førte deg ¬i mange farvatn. Men så kjem stormen frå aust og knuser deg der ute på havet.

²⁷Ditt gods ¬og dine handelsvarer, dine sjømenn ¬og dine styrmenn, dei som bøtte skadane dine, dine handelsmenn ¬og alle dine krigarar, heile mannskapet ¬som du hadde om bord, søkk i havet ¬den dagen du går under.

²⁸Når styrmennene skrik ¬i si naud, må beitemarkene skjelva.

²⁹Alle rorskarar ¬stig ut or sine skip, kvar sjømann, ¬kvar styrmann går i land.

³⁰Dei set i og ropar høgt og klagar bittert over deg; dei kastar jord på hovudet og velter seg i oska.

³¹For di skuld ¬rakar dei seg snaue og bind syrgjeklede om seg. Med sorg i hugen græt dei og klagar bittert over deg.

³²Dei set i med likklage og syng ein syrgjesong ¬over deg: Kven har vorte tagal ¬som Tyrus, der han ligg midt uti sjøen?

³³Når varene dine ¬kom inn frå havet, metta du mange folkeslag. Med alt ditt gods ¬og alle dine varer gjorde du kongar på jorda rike.

³⁴No er du knust ¬og sokken i havet; varene dine ¬og alt ditt mannskap har gått til grunne med deg.

³⁵Alle som bur ¬på havsens strender, fæler når dei tenkjer på deg; kongane deira ¬er stive av skrekk og bleike i andletet av redsle.

³⁶Kjøpmenn i andre land ¬spottar deg. Du har vorte til skrekk og gru; borte er du for alltid.