Read nynorsk 1978 Daniel 12 Bible Online

Daniel 12 - nynorsk 1978 bible

Daniel 12

¹På den tid skal Mikael, den store fyrsten, stiga fram, han som vernar ¬dine landsmenn. Det skal koma ei trengselstid som det ikkje har vore ¬maken til heilt sidan folkeslag vart til. Men på den tid ¬skal folket ditt verta frelst, alle som er oppskrivne i boka. [76]

²Og mange av dei ¬som søv i molda, skal vakna opp, somme til evig liv, andre til skam og evig avsky.

³Då skal dei vituge skina som himmelkvelven skin; og dei som har ført dei mange ¬til rettferd, skal skina som stjernene, ¬evig og alltid.

⁴Men du, Daniel, må gøyma desse orda og forsegla boka til endetida. Mange skal fara ikring, og kunnskapen skal auka.

⁵Då fekk eg, Daniel, auga på to andre som stod der, ein på kvar side av elva.

⁶Ein av dei sa til mannen som var kledd i lin, og som var oppover vatnet i elva: «Kor lenge varer det før alt dette underfulle har hendt?»

⁷Mannen som var kledd i lin, og som var oppover vatnet i elva, lyfte høgre og venstre hand mot himmelen, og eg høyrde at han svor ved Den Evige: «Éi tid og tider og ei halv tid. Når makta åt det heilage folket er heilt knust, kjem slutten på alt dette.» [77]

⁸Eg høyrde det, men skjøna det ikkje og spurde: «Herre, kva er endelykta på dette?»

⁹Då sa han til meg: «Gå bort, Daniel, for desse orda skal vera løynde og forsegla til endetida.

¹⁰Mange skal verta reinsa og tvegne og skirsla. Men dei ugudelege skal halda fram i si gudløyse, og ingen av dei skal skjøna noko. Men dei vituge skal skjøna.

¹¹Frå den tid då det daglege offeret vert bortteke og den øydande styggedomen oppsett, skal det gå 1 290 dagar.

¹²Sæl er den som ventar og når fram til 1 335 dagar.

¹³Så gå du til møtes med endetida! Du skal kvila og stå opp og få din lut når dagane tek ende.»