Read nynorsk 1978 Hosea 12 Bible Online

Hosea 12 - nynorsk 1978 bible

Hosea 12

¹Efraim omringar meg ¬med lygn, Israels ætt med svik. Juda held ikkje fast ved Gud, han som er heilag og trufast.

²Efraim trår etter vind, jagar heile dagen ¬etter austavind. Dei hopar opp lygn og vald. Dei gjer pakt med Assur og fører olje til Egypt.

³Herren fører sak med Juda, han vil straffa Jakob ¬for hans ferd, gje han att for det han har gjort. [42]

⁴I mors liv heldt han bror sin ¬i hælen, i sin manndom ¬stridde han med Gud,

⁵han stridde med engelen ¬og vann. Han gret og bad om nåde. I Betel møtte han Gud — der talar han med oss.

⁶Herren, Allhærs Gud, Herren er hans namn.

⁷Men du skal venda om ¬til din Gud. Hald fast på truskap og rett, set alltid di von til din Gud!

⁸Kræmarfolket har falske vekter ¬i handa, det likar å gjera urett. [43]

⁹Efraim seier: «Eg har då vorte rik, eg har fått meg eigedom! Med alt mitt strev ¬har eg ikkje vorte skuldig i noko som er synd.»

¹⁰Eg er Herren din Gud, heilt frå du var i Egypt. Enno vil eg la deg bu i telt som den gongen eg møtte deg.

¹¹Eg tala til profetane. Eg lét dei få syner i mengd og tala i likningar gjennom dei.

¹²Er Gilead fullt av misgjerning, så skal dei verta til inkjes. Ofrar dei oksar i Gilgal, skal deira altar ¬verta som steinrøysar langsmed åkerfòrene.

¹³Jakob rømde til Aram-landet, Israel tente for ei kone, for å få seg ei kone gjætte han. [44]

¹⁴Ved ein profet førte Herren Israel opp frå Egypt, og ved ein profet vakta han dei. [45]

¹⁵Beisk harme har Efraim vekt. Herren skal la hans blodskuld koma over han sjølv og gje han att for hans spott.