Read nynorsk 1978 Hosea 13 Bible Online

Hosea 13 - nynorsk 1978 bible

Hosea 13

¹Når Efraim tala, ¬vart alle redde, han stod høgt i Israel. Men han dyrka Ba’al; såleis førte han skuld over seg ¬og døydde.

²Og no held dei fram ¬med å synda. Dei lagar støypte bilete ¬av sitt sølv og avgudar ¬etter sitt eige hovud — alt er det gjort ¬av handverkarar. Folk seier om dei: «Dei som ofrar menneske, ¬kysser kalvar.» [46]

³Difor skal dei verta ¬som ei morgonsky, lik dogg som tidleg kverv, lik agner som blæs bort ¬frå treskjevollen, lik røyk som stig opp ¬gjennom ljoren.

⁴Eg er Herren din Gud, heilt frå du var i Egypt. Du kjenner ingen annan Gud ¬enn meg, forutan meg ¬finst det ingen frelsar.

⁵Eg tok meg av deg ¬i øydemarka, i det heite og turre landet.

⁶Beitet var godt, ¬og dei åt seg mette. Då dei var mette, ¬vart dei store og stolte, difor gløymde dei meg.

⁷Eg vil vera mot dei som ei løve, lik leoparden ¬som lurer ved vegen. [47]

⁸Eg vil koma over dei ¬som ei binne som dei har teke ungane frå, og riva sund deira bryst. Eg vil eta dei opp som ei løve, villdyra i marka ¬skal slita dei sund.

⁹Når ulukka kjem, Israel, kven skal hjelpa deg då?

¹⁰Kvar er då din konge som kan berga deg ¬i alle dine byar, og kvar er dine styresmenn? Du har då sagt: «Gjev meg konge ¬og hovdingar!»

¹¹Eg gjev deg ein konge ¬i min vreide, og i min harme tek eg han bort.

¹²Efraims misgjerning ¬er oppsamla, hans synd er gøymd.

¹³Riene kjem, han skal fødast, men han er ein uvitug son. Når tida er ute, kjem han ikkje fram frå mors liv. [48]

¹⁴Or helheims vald ¬vil eg fria dei, frå døden vil eg løysa dei ut. Død, kvar er din pest? Dødsrike, kvar er di sott? Medkjensle veit eg ikkje av.

¹⁵Ja, han skil brør frå kvarandre. Det kjem ein austavind, ¬eit Herrens ver, farande opp frå øydemarka. Då vert brunnen tom ¬og kjelda turr. Skattkammeret vert plyndra for alle dyre eigneluter.