Read nynorsk 1978 Hosea 2 Bible Online

Hosea 2 - nynorsk 1978 bible

Hosea 2

¹De skal seia til brørne dykkar: «mitt folk» og til systrene dykkar: «du som har fått miskunn».

²Før klagemål mot mor dykkar, før klagemål mot henne! For ho er ikkje kona mi, og eg er ikkje mannen hennar. Lat henne få horemina bort ¬frå andletet og horemerket frå barmen! [6]

³Elles skal eg kle henne naken og stella henne fram ¬som ho var den dagen ho vart fødd. Eg vil gjera henne lik ¬ei øydemark, eit turrlende, og la henne døy av torste.

⁴Borna hennar ¬vil eg ikkje miskunna, for dei er horeborn.

⁵For mor deira var utru, ho som fekk dei, ¬bar seg skamleg åt. Ho sa: «Eg vil fara ¬etter mine elskarar, som gjev meg brød og vatn, ull og lin, olje og vin.» [7]

⁶Sjå, difor vil eg stengja vegen for henne med klunger. Eg reiser ein mur ¬framføre henne, så ho ikkje finn sine stigar.

⁷Når ho renner ¬etter sine elskarar, skal ho ikkje nå dei att; når ho leitar etter dei, skal ho ikkje finna dei. Då skal ho seia: «Eg vil attende til min fyrste mann, for eg hadde det betre då ¬enn no.»

⁸Ho skjøna ikkje at det var eg som gav henne kornet, ¬vinen og oljen, som gav henne sølv og gull ¬i mengd, som dei bruka ¬når dei dyrka Ba’al.

⁹Difor vil eg ta att kornet mitt, ¬når den tid kjem, og vinen min, ¬når tida er komen. Eg vil ta bort ulla mi ¬og linet mitt, som skulle løyna ¬hennar nakne kropp.

¹⁰No vil eg kle henne naken beint for augo ¬på hennar elskarar, og ingen skal fria henne ut ¬or mi hand.

¹¹Eg gjer ende ¬på all hennar glede, hennar festar, nymånedagar ¬og sabbatsdagar, alle hennar høgtider.

¹²Eg øydelegg hennar vintre ¬og fikentre. Om dei har ho sagt: ¬«Dei er mi løn, som mine elskarar gav meg.» Eg gjer dei til villskog, og dyra på marka skal eta dei.

¹³Eg krev henne til rekneskap ¬for dei dagar då ho brende offer ¬for Ba’al-gudane, pynta seg med ringar og kjeder og gjekk etter sine elskarar, men gløymde meg, lyder ordet frå Herren.

¹⁴Sjå, eg vil lokka henne, føra henne ut i øydemarka og tala venleg til henne. [8]

¹⁵Når ho kjem derifrå, vil eg gje henne att vinhagane hennar, og Akor-dalen skal verta ein port som gjev von. Der skal ho svara meg som i ungdomsdagane, som då ho fór opp frå Egypt. [9]

¹⁶Den dagen, lyder ordet frå Herren, skal ho kalla meg sin mann; ho skal ikkje lenger kalla meg sin Ba’al.

¹⁷Eg vil ta Ba’al-namna ut or munnen hennar; dei skal ikkje nemnast meir.

¹⁸Den dagen vil eg gjera ei pakt for dei med dyra på marka, fuglane under himmelen og kreket på jorda. Boge, sverd og andre krigsvåpen vil eg bryta sund og rydja ut or landet, og eg vil la deg bu trygt. [10]

¹⁹Eg vil trulova meg med deg for alltid. Eg vil trulova meg med deg i rettferd og rett, i nåde og miskunn.

²⁰Ja, i truskap vil eg trulova meg med deg, og du skal kjenna Herren.

²¹Den dagen vil eg bønhøyra, lyder ordet frå Herren. Eg vil bønhøyra himmelen, og han skal bønhøyra jorda.

²²Jorda skal bønhøyra kornet, vinen og oljen, og dei skal bønhøyra Jisre’el. [11]

²³Eg vil så Israel ut i landet og miskunna meg over ’Utan miskunn’. Til ’Ikkje mitt folk’ vil eg seia: «Du er mitt folk.» Og han skal svara: «Min Gud!»