Read nynorsk 1978 Hosea 6 Bible Online

Hosea 6 - nynorsk 1978 bible

Hosea 6

¹Kom, lat oss venda om ¬til Herren! For han som reiv sund, ¬vil lækja oss; han som slo, ¬vil binda om våre sår.

²Han vekkjer oss til liv ¬etter to dagar, den tredje dagen ¬reiser han oss opp, så vi kan leva for hans åsyn.

³Lat oss læra å kjenna Herren, ja, jaga etter å kjenna han! Han kjem like visst som ljoset om morgonen. Han kjem til oss som regnet, lik vårregn som væter jorda.

⁴Kva skal eg gjera med deg, ¬Efraim? Kva skal eg gjera med deg, ¬Juda? Dykkar truskap ¬er som ei morgonsky, lik dogg som tidleg kverv.

⁵Difor gjev eg dei hogg ¬ved profetane, eg drep dei ¬med ord frå min munn; mine domsord mot deg ¬går fram som ljoset.

⁶For eg vil ha truskap, ¬ikkje slaktoffer, gudskjennskap heller ¬enn brennoffer.

⁷Dei braut pakta i Adam, der var dei trulause mot meg. [26]

⁸Gilead er ein by ¬med ugjerningsmenn, han er full av blodspor.

⁹Presteflokken er lik røvarar som ligg på lur etter menneske; dei myrdar på vegen til Sikem. Ja, skamlaust verk ¬har dei gjort.

¹⁰I Israels hus ser eg fæle ting; der driv Efraim utukt, der gjer Israel seg urein.

¹¹For deg òg, Juda, er det fastsett ein haust.