Read nynorsk 1978 Hosea 7 Bible Online

Hosea 7 - nynorsk 1978 bible

Hosea 7

¹Når eg vender lagnaden ¬for mitt folk, når eg gjer Israel frisk, då vert Efraims syndeskuld ¬openberr, og Samarias vondskap ¬kjem til synes. Dei fer med svik, tjuvar bryt seg inn, og røvarar herjar på gata.

²Dei tenkjer ikkje på at eg kjem ¬all deira vondskap i hug. Men no møter dei ¬sine gjerningar ¬på alle kantar, eg har dei for auga.

³Dei gleder kongen ¬med sin vondskap og hovdingane ¬med sine lygner.

⁴Alle er dei ¬ekteskapsbrytarar. Dei liknar ein omn ¬som er så heit at bakaren ikkje treng fyra frå deigen er knadd ¬og til han er syrt. [27]

⁵På festdagen åt kongen vår drikk hovdingane seg sjuke av den heite vinen; han retter handa til spottarar.

⁶Hjarta deira brenn ¬som ein omn der dei ligg på lur. Heile natta kviler deira vreide, om morgonen brenn han ¬som logande eld.

⁷Alle saman er heite ¬som ein omn, dei gjer ende på sine domarar. Alle kongane deira er falne, ingen av dei kallar på meg.

⁸Efraim blandar seg med folka, han er lik ei kake ¬som ikkje er vend.

⁹Framande har øydt hans kraft, men han veit det ikkje. Håret hans er gråsprengt, men han veit det ikkje.

¹⁰Byrgskapen åt israelittane vitnar mot dei sjølve, men dei vender ikkje om ¬til Herren sin Gud, og trass i alt som har hendt, søkjer dei han ikkje.

¹¹Efraim har vorte som ei due, godtruen, utan vit. Dei kallar på Egypt, dei dreg til Assyria.

¹²Så snart dei fer av stad, breier eg nettet mitt ut ¬over dei. Eg dreg dei ned ¬som fuglane i lufta; eg vil tukta dei, ¬som folket alt har høyrt.

¹³Ve dei, at dei rømde frå meg! Død over dei, ¬fordi dei braut med meg! Eg ville løysa dei ut, men dei tala lygn mot meg.

¹⁴Dei ropar ikkje til meg ¬av hjarta, men ligg og jamrar på lega si. Dei rispar seg opp ¬for å få korn og vin, men dei vender seg bort ¬frå meg. [28]

¹⁵Det var eg som lærte dei opp og gav deira armar styrke, men dei tenkte ut vondt ¬mot meg.

¹⁶Dei vender seg til det ¬som ikkje gagnar, dei har vorte lik ein boge ¬som ikkje duger. Deira hovdingar skal falla ¬for sverd fordi dei forbanna ¬med si tunge. For dette vert dei spotta ¬i Egypt.