Read nynorsk 1978 Hosea 9 Bible Online

Hosea 9 - nynorsk 1978 bible

Hosea 9

¹Gled deg ikkje, Israel! Jubla ikkje ¬som dei andre folka! I utruskap har du gått bort ¬frå din Gud, du ville gjerne ha horeløn på alle stader ¬der dei treskjer korn.

²Så skal ikkje treskjevoll og vinpresse gje dei føde, og vinhausten skal mislukkast ¬for dei.

³Dei skal ikkje få bu ¬i Herrens land. Efraim skal attende til Egypt, og i Assyria ¬skal dei eta urein mat.

⁴Dei skal ikkje ofra vin ¬til Herren, deira slaktoffer ¬skal ikkje tekkjast han. Det skal vera ¬som syrgjebrød for dei, alle som et det, vert ureine. For dei har sitt brød ¬for seg sjølve, det kjem ikkje til Herrens hus.

⁵Kva vil de gjera ¬på høgtidsdagen, på Herrens festdag? [30]

⁶Sjå, kjem dei seg unna ¬øydelegginga, skal egyptarane samla dei og folket i Memfis ¬gravleggja dei. Nesler skal løyna ¬deira sølvskattar, klunger skal veksa i deira telt. [31]

⁷Komne er rekneskapsdagane, komen er attergjeldstida; det skal Israel få merka. «Profeten er ein dåre, vitlaus er åndsmannen!» Ja, fordi di misgjerning ¬er så stor og din fiendskap så sterk!

⁸Profeten er Efraims vaktar ¬for min Gud, men snarer er det ¬på alle hans vegar; det er fiendskap i huset ¬åt hans Gud.

⁹Djupt har dei sokke ¬i vondskap, som i Gibeas dagar. Han skal koma ¬deira misgjerning i hug og krevja dei til rekneskap ¬for deira synder. [32]

¹⁰Som druer i øydemarka fann eg Israel; som tidlegfrukt ¬på det unge fikentreet valde eg ut dykkar fedrar. Men då dei kom til Ba’al-Peor, vigde dei seg ¬til den avskyelege guden og vart ufyselege ¬som han dei elska. [33]

¹¹Efraims herlegdom kverv lik ein fugl som flyg bort. Ingen føder, ingen er svanger, og ingen vert med barn.

¹²Jamvel om dei fostrar born, skal eg gjera dei barnlause. Ja, ve dei, ¬når eg går frå dei!

¹³Eg såg Efraim planta i ei eng, like trygg som Tyrus. Men no må dei føra ¬borna sine ut til han som skal drepa dei.

¹⁴Gjev dei, Herre! Men kva skal du gje dei? Gjev dei morsliv ¬som føder for tidleg, og bryst som ikkje gjev mjølk.

¹⁵All deira vondskap ¬er samla i Gilgal, der fekk eg uvilje mot dei. Fordi dei har gjort ¬så mykje vondt, vil eg driva dei ut or mitt hus. Eg kan ikkje elska dei lenger, alle deira førarar er opprørarar. [34]

¹⁶Efraim er slegen, ¬rota deira er turka, dei skal ikkje lenger bera frukt. Og jamvel om kvinnene føder, lèt eg deira kjære born døy.

¹⁷Min Gud skal støyta dei bort, fordi dei ikkje har høyrt ¬på han. Dei skal flakka ikring ¬mellom folka.