Read nynorsk 1978 Amos 4 Bible Online

Amos 4 - nynorsk 1978 bible

Amos 4

¹Høyr dette ordet, ¬de Basan-kyr som bur på Samaria-fjellet! De trælkar småkårsfolk og knuser dei fattige. De seier til mennene dykkar: «Kom med vin, ¬så vi får drikka!» [11]

²Herren Gud har svore ¬ved sin heilagdom: Sjå, dagar kjem over dykk då de skal slepast bort ¬med hakar og dei siste av dykk ¬med fiskekrokar.

³Ut gjennom murrivner ¬skal de fara, den eine etter den andre. De skal drivast bort ¬til Hermon, lyder ordet frå Herren.

⁴Kom til Betel og synda, til Gilgal og synda til gagns! Ber fram slaktoffer ¬om morgonen og tiender den tredje dagen! [12]

⁵Lat røyken av syrt brød stiga opp som takkoffer, lys ut friviljug offer, ¬gjer det kjent! For så vil de ha det, ¬de Israels søner, lyder ordet frå Herren Gud.

⁶Eg lét dykk gå med tom munn i alle byane dykkar og lét dykk vera utan brød alle stader der de budde. Men de vende ikkje om til meg, lyder ordet frå Herren.

⁷Eg heldt regnet att for dykk då det endå var tre månader ¬til hausten. Eg lét det regna over éin by, men ikkje over ein annan. Eitt jordstykke fekk regn, eit anna fekk ikkje og turka ut.

⁸Frå to, tre byar raga dei av stad til same by, ville drikka vatn, og fekk ikkje sløkkja torsten. Men de vende ikkje om til meg, lyder ordet frå Herren.

⁹Eg slo dykk med kornbrann ¬og rust, eg turka ut hagane ¬og vingardane dykkar, og grashopper åt opp fikentre ¬og oliventre. Men de vende ikkje om til meg, lyder ordet frå Herren. [13]

¹⁰Eg sende pest mellom dykk ¬som i Egypt. Eg drap dykkar unggutar ¬med sverd, og hestane gav eg til hærfang. Eg lét teven frå krigsleiren stiga opp i nasen på dykk. Men de vende ikkje om til meg, lyder ordet frå Herren.

¹¹Eg sende øyding over dykk, som då Gud la Sodoma ¬og Gomorra i grus; de var som ein brand, ¬riven ut or elden. Men de vende ikkje om til meg, lyder ordet frå Herren.

¹²Difor vil eg gjera så med deg, ¬Israel! Og fordi eg vil gjera det, så bu deg, Israel, ¬til å møta din Gud!

¹³Sjå, han som lagar fjella ¬og skaper vinden, som gjer mennesket kjent ¬med sine tankar, han som gjer morgonroden ¬til mørker og fer fram ¬over høgdene på jorda — Herren, Allhærs Gud, ¬er hans namn.