Read nynorsk 1978 Amos 6 Bible Online

Amos 6 - nynorsk 1978 bible

Amos 6

¹Ve dei som sit trygge ¬på Sion og utan sut på Samarias fjell, dei gjævaste ¬i det fremste folket, dei som Israels-ætta ¬vender seg til.

²Far over til Kalne og sjå, gå derifrå til Hamat, ¬den store byen, og far ned til Gat i Filistarland! Er de betre enn desse rika, har de eit større land enn dei, [19]

³de som jagar ulukkedagen ¬frå dykk og kallar fram ¬eit valdsherredøme?

⁴Dei ligg på elfenbeinsbenker og strekkjer seg på divanar, dei et lam or saueflokken og gjøkalvar or buskapen.

⁵Dei syng allslags tull ¬til harpelåt, og finn opp instrument ¬liksom David.

⁶Dei drikk vin or offerskåler og salvar seg ¬med den beste olje, men syrgjer ikkje ¬over Josefs skade.

⁷Difor skal dei no førast bort, fremst i fangeflokken; då vert det slutt på skrålet frå dei som ligg og dreg seg.

⁸Herren Gud ¬har svore ved seg sjølv, lyder ordet frå Herren, ¬Allhærs Gud: Eg styggjest ¬ved Jakobs byrgskap og hatar slotta der; eg gjev opp byen ¬og alt som i han er.

⁹Om ti menn vert att i eitt og same huset, skal dei òg døy.

¹⁰Og ein mann som skal brenna den døde frenden sin, tek han og ber beina ut or huset. Han seier til den som er inst i huset: «Er det nokon att hjå deg?» Den andre svarar: «Nei, ingen.» Så seier han: «Hysj! Herrens namn må ikkje nemnast.»

¹¹For sjå, Herren byd, og han slår det store huset i knas, og det vesle huset så det rivnar.

¹²Spring vel hestar ¬oppetter bratte fjellet, pløyer ein havet med oksar? Men de gjer retten om til gift og rettferds frukt til malurt.

¹³De gleder dykk over Lo-Debar ¬og seier: «Var det ikkje med eiga kraft vi tok Karnajim?» [20]

¹⁴Sjå, no reiser eg eit folk mot deg, du Israels ætt, lyder ordet frå Herren, ¬Allhærs Gud. Dei skal trælka dykk frå Lebo-Hamat ¬til Araba-bekken. [21] [22]