Read nynorsk 1978 Jona 2 Bible Online

Jona 2 - nynorsk 1978 bible

Jona 2

¹Men Herren sende ein stor fisk, som slukte Jona; og han var i buken på fisken i tre dagar og tre netter.

²Jona bad til Herren sin Gud frå fiskebuken

³og sa: Eg kalla på Herren i mi naud, og han svara meg. Eg ropa frå djupaste dødsriket, og du høyrde mi røyst.

⁴Du kasta meg i djupet ¬midt på havet, og straumen kringsette meg. Alle dine brot og bylgjer ¬slo over meg.

⁵Då tenkte eg: Eg er støytt bort frå deg. Skal eg aldri meir få sjå ¬ditt heilage tempel?

⁶Vatnet nådde meg ¬heilt til halsen, havdjupet var ikring meg ¬på alle kantar. Tang sveipte seg ¬om mitt hovud.

⁷Radt til fjellbotnane fór eg ned. Heimsens bommar stengdest etter meg for alltid. Men du, Herre min Gud, førte meg levande opp ¬or grava.

⁸Då mi sjel var kraftlaus, kom eg Herren i hug, og mi bøn nådde til deg, til ditt heilage tempel.

⁹Dei som dyrkar falske ¬og gagnlause gudar, har gjeve opp sin truskap ¬mot deg.

¹⁰Men eg vil ofra til deg ¬med takkesong. Det eg har lova, vil eg halda. Frelsa kjem frå Herren.

¹¹Då tala Herren til fisken, og han spydde Jona opp på land.