Read nynorsk 1978 4. Mosebok 24 Bible Online

4. Mosebok 24 - nynorsk 1978 bible

4. Mosebok 24

¹Då Bileam skjøna at Herren ville velsigna Israel, gjekk han ikkje bort og søkte varsel, som han før hadde gjort, men vende seg mot øydemarka.

²Han såg utover og fekk auga på Israels-ættene, som låg der side om side. Då kom Guds Ande over han,

³og han kvad: Så seier Bileam, son til Beor, så seier mannen ¬med attlatne augo,

⁴så seier han ¬som høyrer ord ifrå Gud og får syner frå Den Allmektige, der han sit med klårsynte augo:

⁵Kor fagre dine telt er, Jakob, dine bustader, Israel!

⁶Dei er som vide dalar, som hagar langs ei elv, lik aloëtre ¬som Herren har planta, lik sedrar som veks attmed vatn. [42]

⁷Vatnet strøymer frå Israels kar, det dei sår, ¬får rikeleg med væte. [43] Større enn Agag ¬skal kongen deira vera, høgt skal hans velde nå.

⁸Gud førte dei ut or Egypt, og dei har styrke ¬som ein villokse. Dei øyder ut fiendslege folk, knuser deira bein ¬og bryt deira piler.

⁹Dei legg seg ned ¬og kviler som ei løve, som ei løvinne ¬— kven torer vekkja henne? Velsigna er den ¬som velsignar deg, og forbanna den ¬som forbannar deg.

¹⁰Då vart Balak brennande harm på Bileam. Han slo saman hendene og sa til han: «Eg kalla deg hit for at du skulle forbanna fiendane mine, og no har du velsigna dei tre gonger!

¹¹Kom deg heim att så fort du kan! Eg hadde tenkt å visa deg stor ære, men sjå, Herren har nekta deg æra.»

¹²Bileam svara: «Eg sa då alt til dei mennene du sende:

¹³Om Balak gav meg alt det sølv og gull han har i huset sitt, kunne eg ikkje gå imot Herrens ord og gjera noko etter min eigen hug, anten godt eller vondt. Det Herren seier, må eg tala.

¹⁴Sjå, no fer eg heim att til landet mitt. Men fyrst vil eg varsla deg kva dette folket kjem til å gjera mot folket ditt ein gong i tida.»

¹⁵Så kvad han: Så seier Bileam, son til Beor, så seier mannen ¬med attlatne augo,

¹⁶så seier han ¬som høyrer ord ifrå Gud, som tek imot kunnskap ¬frå Den Høgste og får syner frå Den Allmektige, der han sit med klårsynte augo:

¹⁷Eg ser han, men ikkje no, eg skodar han, men ikkje nær. Ei stjerne stig opp or Jakob, ein kongsstav lyfter seg ¬frå Israel. Han skal knusa ¬Moabs tinningar og skallen på alle Sets søner.

¹⁸Han skal vinna over Edom, leggja fienden Se’ir under seg; Israel skal auka si makt.

¹⁹Ein fyrste dreg ut frå Jakob, han rydjar ut dei ¬som er att i byen.

²⁰Så fekk Bileam auga på amalekittane, og han heldt fram med kvadet sitt: Det fremste av folkeslag ¬er Amalek, men til sist skal han gå under.

²¹Då Bileam fekk auga på kenittane, kvad han: [44] Endå din bustad ¬er traust og trygg, og ditt reir er bygt på berget,

²²skal Kain gå til grunne. Kor lenge skal det vara før Assur fører deg ¬i fangenskap?

²³Endå ein gong kvad Bileam: Ve! Kven slepp frå det med livet om ikkje Gud har vilja det så?

²⁴Frå kittearane kjem det skip; dei døyver Assur og Eber. Men dei òg går ¬mot undergangen.

²⁵Så stod Bileam opp og fór heim att. Og Balak drog sin veg.