Read nynorsk 1978 4. Mosebok 29 Bible Online

4. Mosebok 29 - nynorsk 1978 bible

4. Mosebok 29

¹Den fyrste dagen i den sjuande månaden skal de halda ei heilag samling. Då må de ikkje gjera noko arbeid. Den dagen skal horna ljoma hjå dykk. [50]

²De skal bera fram brennoffer som angar godt for Herren: ein ung okse, ein ver og sju årsgamle, lytelause lam.

³Grødeofferet som høyrer til, skal vera kveitemjøl, blanda med olje, tre tiandedels efa for oksen, to tiandedels efa for veren

⁴og ein tiandedels efa for kvart av dei sju lamma.

⁵Ein bukk skal de bera fram som syndoffer, til soning for dykk.

⁶Dette skal de ofra attåt nymåne-brennofferet og det daglege brennofferet med grødeofferet som høyrer til, og dei vanlege drikkoffera; det skal vera eit eldoffer som angar godt for Herren.

⁷Den tiande dagen i same månaden, den sjuande, skal de halda ei heilag samling. Då må de fasta og ikkje gjera noko arbeid. [51]

⁸De skal bera fram brennoffer som angar godt for Herren: ein okse, ein ver og sju årsgamle lam. Og dei må vera utan lyte.

⁹Grødeofferet som høyrer til, skal vera kveitemjøl, blanda med olje, tre tiandedels efa for oksen, to tiandedels efa for veren

¹⁰og ein tiandedels efa for kvart av dei sju lamma.

¹¹Ein bukk skal de bera fram som syndoffer attåt soningssyndofferet og det daglege brennofferet med grødeofferet og drikkoffera som høyrer til.

¹²Den femtande dagen i den sjuande månaden skal de halda ei heilag samling. Då må de ikkje gjera noko arbeid. I sju dagar skal de halda høgtid for Herren. [52]

¹³De skal bera fram brennoffer, eldoffer som angar godt for Herren: tretten unge oksar, to verar og fjorten årsgamle lam; og dei må vera utan lyte.

¹⁴Grødeofferet som høyrer til, skal vera kveitemjøl, blanda med olje, tre tiandedels efa for kvar av dei tretten oksane, to tiandedels efa for kvar av dei to verane

¹⁵og ein tiandedels efa for kvart av dei fjorten lamma.

¹⁶Ein bukk skal de bera fram som syndoffer, attåt det daglege brennofferet med grødeofferet og drikkofferet som høyrer til.

¹⁷Den andre dagen skal de ofra tolv unge oksar, to verar og fjorten årsgamle, lytelause lam.

¹⁸Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

¹⁹Ein bukk skal de bera fram som syndoffer, attåt det daglege brennofferet med grødeofferet og drikkoffera som høyrer til.

²⁰Den tredje dagen skal de ofra elleve oksar, to verar og fjorten årsgamle, lytelause lam.

²¹Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

²²Ein bukk skal de bera fram som syndoffer, attåt det daglege brennofferet med grødeofferet og drikkofferet som høyrer til.

²³Den fjerde dagen skal de ofra ti oksar, to verar og fjorten årsgamle, lytelause lam.

²⁴Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

²⁵Ein bukk skal de bera fram som syndoffer, attåt det daglege brennofferet med grødeofferet og drikkofferet som høyrer til.

²⁶Den femte dagen skal de ofra ni oksar, to verar og fjorten årsgamle, lytelause lam.

²⁷Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

²⁸Ein bukk skal de bera fram som syndoffer, attåt det daglege brennofferet med grødeofferet og drikkofferet som høyrer til.

²⁹Den sjette dagen skal de ofra åtte oksar, to verar og fjorten årsgamle, lytelause lam.

³⁰Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

³¹Ein bukk skal de bera fram som syndoffer, attåt det daglege brennofferet med grødeofferet og drikkoffera som høyrer til.

³²Den sjuande dagen skal de ofra sju oksar, to verar og fjorten årsgamle, lytelause lam.

³³Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

³⁴Ein bukk skal de bera fram som syndoffer, attåt det daglege brennofferet med grødeofferet og drikkofferet som høyrer til.

³⁵Den åttande dagen skal de halda høgtidssamling. Då må de ikkje gjera noko arbeid. [53]

³⁶De skal bera fram brennoffer, eldoffer som angar godt for Herren: ein okse, ein ver og sju årsgamle, lytelause lam.

³⁷Grødeofferet og drikkoffera som høyrer til, skal svara til talet på oksar, verar og lam, som det er gjeve påbod om.

³⁸Ein bukk skal de bera fram som syndoffer, attåt det daglege brennofferet med grødeofferet og drikkofferet som høyrer til.

³⁹Desse offera skal de bera fram for Herren på høgtidene, attåt lovnadsoffera og dei friviljuge offera, anten det er brennoffer, grødeoffer, drikkoffer eller måltidsoffer.