Read nynorsk 1978 Mika 2 Bible Online

Mika 2 - nynorsk 1978 bible

Mika 2

¹Ve dei som tenkjer ut urett og emnar på vondt medan dei ligg på si lege! Dei set det i verk ¬når det ljosnar av dag, fordi det står i deira makt.

²Dei trår etter marker ¬og røvar dei, etter hus og tek dei. Dei slår under seg mann ¬og hus, bonden og hans eigedom.

³Difor seier Herren: Eg tenkjer ut ei ulukke ¬mot denne ætta, den kan de aldri fria dykk frå. De skal ikkje lenger ¬gå stolte ikring, for det vert ei vond tid.

⁴Den dagen skal dei syngja ¬ei nidvise og setja i med ein klagesong ¬over dykk. «Det er ute med oss,» ¬skal dei seia, «vi er herja og øydelagde! Jorda åt folket mitt ¬skifter eigar. Å, han har teke markene frå oss og delt dei ut til fråfalne!»

⁵Då skal det ikkje finnast nokon ¬i Herrens lyd som kastar lodd og deler ut jord til andre.

⁶«Hald opp med å preika!» ¬seier dei. «Ingen må preika så. Tek skjellsorda aldri slutt?»

⁷Korleis er det du talar, ¬Jakobs hus? Har Herren mist tolmodet? Er det så han fer fram? Har eg ikkje venlege ord til dei som ferdast rett?

⁸Lenge har folket mitt ¬bore seg fiendsleg åt. De dreg kappa ¬av fredelege folk; dei som ferdast trygt, ¬vert krigsfangar.

⁹De driv kvinnene ¬i folket mitt bort frå heimane dei var glade i. De har for alle tider teke mi ære frå borna deira.

¹⁰Stå opp og far bort herifrå! Dette er ingen kvilestad, for her er ureinskap som valdar skade og tyning.

¹¹Kom det ein mann ¬som fór med laust snakk og tala lygn og svik: «Eg spår for deg om vin ¬og drikk», sjå, det var ein profet ¬for dette folket!

¹²Eg vil samla dykk alle, Jakob. Eg vil samla Israels rest, føra dei saman ¬som sauer i ei kve, som ein bøling på beite, — ein ståkande flokk ¬av menneske.

¹³Han som brøyter veg, ¬går føre dei; dei bryt seg gjennom porten ¬og fer ut. Kongen deira går føre dei, Herren sjølv ¬går i brodden for dei.