Read nynorsk 1978 Mika 6 Bible Online

Mika 6 - nynorsk 1978 bible

Mika 6

¹Høyr kva Herren seier: Reis deg, ¬før di sak for fjella, lat haugane høyra di røyst!

²Høyr Herrens klagemål, ¬de fjell, lyd etter, de faste grunnvollar ¬under jorda! For Herren har sak ¬med folket sitt, han går til doms med Israel.

³Mitt folk, kva har eg gjort deg? Kva har eg trøytta deg med? Gjev meg svar!

⁴Eg førte deg opp frå Egypt og løyste deg ut or trælehuset. Eg sette Moses, Aron ¬og Mirjam til å føra deg.

⁵Mitt folk, kom i hug ¬kva planar han hadde, Balak, kongen i Moab, og hugs det svaret han fekk av Bileam, son til Beor, på vegen frå Sjittim til Gilgal, så du kan skjøna Herrens frelsesgjerningar.

⁶Kva skal eg ha med når eg stig fram for Herren og bøyer meg for Gud ¬i det høge? Skal eg koma til han ¬med brennoffer, bera fram årsgamle kalvar?

⁷Bryr Herren seg om verar ¬i tusental, om oljebekker i titusental? Skal eg ofra min fyrstefødde ¬for mitt brot, mi livsfrukt for mi synd? [17]

⁸Herren har då sagt deg, ¬menneske, kva godt er, og kva han krev av deg: At du skal gjera rett, visa trufast kjærleik og ferdast audmjukt ¬med din Gud.

⁹Høyr, Herren ropar til byen! — Å ottast ditt namn ¬er visdom. — Høyr, du ætt og byforsamling!

¹⁰Har den vonde enno i sitt hus skattar samla på urett vis, og ein snau, forbanna efa?

¹¹Kan eg vera rein med urett vekt og falske vektlodd i pungen?

¹²Rikmennene dine ¬gjer valdsverk, borgarane dine fer med lygn, ei svikefull tunge ¬har dei i munnen.

¹³Men eg vil ta til å slå deg, øydeleggja deg ¬for dine synder.

¹⁴Du skal eta og ikkje verta mett, tom skal du kjenna deg. Det du legg til sides, ¬skal du ikkje berga, og det du bergar, ¬gjev eg til sverdet.

¹⁵Du skal så, men ikkje hausta, pressa oliven, men ikkje ¬salva deg med olje, pressa druer, ¬men ikkje drikka vin.

¹⁶Du har fylgt Omris skikkar og bore deg åt som Akabs ætt. Etter deira råd har de vandra. Difor vil eg leggja deg i øyde og gjera borgarane dine ¬til spott, og vanæra over folket mitt ¬må de bera.