Read nynorsk 1978 Nahum 2 Bible Online

Nahum 2 - nynorsk 1978 bible

Nahum 2

¹Sjå, han som ber ¬gledebod, kjem springande over fjell ¬med bodskap om fred. Hald dine høgtider, Juda, og gjer det du har lova! For aldri meir ¬kjem valdsmannen mot deg, heilt utrudd er han.

²Når ein som vil driva deg bort, dreg fram imot deg, hald då vakt i borga, og hald utkikk langs vegen! Spenn beltet fast om livet, ta deg saman og ver sterk!

³— Herren skal atterreisa ¬Jakobs stordom og Israels velde. For ransmenn har rana dei og lagt deira vinhagar aude. —

⁴Krigarane har raudmåla skjold, stridsmennene er kledde ¬i skarlak. Stålet på vognene logar når han fylkar dei til strid, og hestane fer uroleg av stad.

⁵Gjennom gatene ¬rasar vognene fram, over torga fer dei ¬i susande fart. Dei ser ut som faklar, fer att og fram som lyn.

⁶Stormennene vert kalla fram; dei snåvar i farten, men stormar mot muren, og skjoldtaket vert reist.

⁷Portane mot elva ¬vert slegne inn, og borga skjelv ¬i sine grunnvollar.

⁸Dei steller henne fram, kler av henne ¬og fører henne bort. Jentene hennar ¬vert drivne av stad; dei klagar som duer og slår seg for brystet. [5]

⁹Ninive liknar ein dam som vatnet renn utor. Dei ropar: «Stogga! Stogga!» Men ingen kjem att.

¹⁰Rana sølv, rana gull! Her er rikdom utan ende, ei mengd ¬med allslags dyre ting.

¹¹Tomt og audt og plyndra! Redde hjarto, vaklande kne, alle hofter skjelv, kvart andlet er eldande raudt.

¹²Kvar er løvehiet, ¬hola åt ungløvene, der løve og løvemor gjekk, og ingen skræmde løveungen? [6]

¹³Løva røva det ungane trong, ho drap for løvinnene, fylte sine hi med rov og sine holer med fengd. [7]

¹⁴Sjå, eg skal koma over deg, lyder ordet frå Herren, ¬Allhærs Gud. Eg lèt vognene dine ¬gå opp i røyk; dine ungløver ¬skal døy for sverd, og ditt rov vil eg rydja ¬ut frå jorda. Røysta åt dine sendebod skal aldri høyrast meir.