Read nynorsk 1978 Habakkuk 2 Bible Online

Habakkuk 2 - nynorsk 1978 bible

Habakkuk 2

¹No vil eg stå på vakt, stella meg på post og speida og sjå kva han vil tala til meg, kva han vil svara ¬på mitt klagemål.

²Då gav Herren meg ¬dette svaret: Skriv synet opp, rita det inn på tavler, så folk kan lesa det lett!

³For synet ventar på si tid, det jagar mot enden ¬og slår ikkje feil. Og om det dryer, ¬så venta berre! Det kjem for visst, ¬det vert ikkje borte.

⁴Sjå, frekk og uærleg er han. Men den rettferdige ¬skal leva ved si tru. [4] [5]

⁵Rikdomen skal svikta ¬den stolte, han skal ikkje nå sitt mål. Som dødsriket ¬spilar han opp sitt gap, umettande er han som døden. Han sopar til seg alle folk og samlar folkeslaga til seg.

⁶Alle desse skal setja i med ei nidvise om han, ein song full av spottord og seia: [6] «Ve den som samlar ¬det andre eig — kor lenge? — som sopar til seg pantegods!»

⁷Dine kravsmenn ¬reiser seg brått, dei som vil pressa deg, vaknar. Då skal du verta eit rov for dei,

⁸fordi du har plyndra ¬mange folk. Alle andre folk ¬skal plyndra deg fordi du tok menneskeblod, gjorde vald mot landet, mot byen og alle som bur der.

⁹Ve den som samlar ¬urett vinning i sitt hus, fordi han vil leggja ¬reiret sitt høgt og berga seg frå ulukkehanda!

¹⁰Du har lagt planar ¬til skam for ditt hus og gjort ende på mange folk; du har forbrote ditt liv.

¹¹For steinen i muren skal ropa og bjelken i treverket svara.

¹²Ve den som byggjer ein by ¬med bloddåd og reiser ei borg med urett

¹³— kjem ikkje dette frå Herren, ¬Allhærs Gud? — så folka må streva for elden og folkeslaga slita for inkje!

¹⁴For jorda skal fyllast med kunnskap ¬om Herrens herlegdom, liksom vatnet ¬dekkjer havsens botn.

¹⁵Ve den som skjenker sin neste, som blandar gift i drikken, ja, gjer han drukken, så han kan sjå ¬hans nakne kropp.

¹⁶Du vert mett av skam ¬og ikkje av ære. Så drikk du òg, og rag ikring! Staupet i Herrens høgre hand skal koma til deg, og di ære skal gøymast ¬av skam.

¹⁷Di valdsferd mot Libanon skal koma over deg sjølv. Du skal knusast fordi du mishandla dyr, fordi du rende ut ¬menneskeblod og gjorde vald mot landet, mot byen og alle som bur der.

¹⁸Kva gagnar eit gudebilete, om det er skore av ein meister? Kva gagnar eit støypt bilete, som gjev falske svar, om meisteren lit på sitt verk, dei mållause gudane ¬han har laga?

¹⁹Ve den som seier til stokken: ¬«Vakna!» — til ein mållaus stein: ¬«Stå opp!» Skulle han gje rettleiing? Visst er han kledd i gull ¬og sølv, men ånd er det ikkje i han.

²⁰Herren er i sitt heilage tempel; ver still for han, all jorda!