Read nynorsk 1978 Sefanja 1 Bible Online

Sefanja 1 - nynorsk 1978 bible

Sefanja 1

¹Dette er Herrens ord som kom til Sefanja, son til Kusji, son til Gedalja, son til Amarja, son til Hiskia, på den tid då Josjia, son til Amon, var konge i Juda.

²Eg riv bort, alt riv eg bort frå jorda, lyder ordet frå Herren.

³Eg riv bort både folk og fe, fuglen i lufta og fisken i sjøen. Eg fører dei ugudelege til fall og rydjar menneska ut av jorda, lyder ordet frå Herren.

⁴Eg retter ut handa mot Juda, mot alle som bur i Jerusalem. Eg tek bort frå denne staden alt som er att av Ba’al, og namnet åt avgudsprestane saman med prestane.

⁵Eg rydjar ut dei som tilbed himmelhæren på taka, dei som tilbed Herren ¬og sver ved han, men samstundes sver ¬ved Milkom,

⁶og dei som har vendt ¬Herren ryggen, som ikkje søkjer Herren og ikkje spør han til råds.

⁷Ver still for Herren Gud, for Herrens dag er nær! Herren har laga til ¬ei offerslakting, han har vigt sine gjester.

⁸På Herrens slaktofferdag ¬skal det henda at eg straffar hovdingar ¬og kongssøner og alle som kler seg ¬i utanlandsk drakt. [1]

⁹Den dagen vil eg straffa alle dei som stig opp ¬på pallen, dei som fyller sin Herres hus ¬med vald og svik. [2]

¹⁰Den dagen, ¬lyder ordet frå Herren, skal det høyrast skrik ¬frå Fiskeporten, jammer frå Nybyen og sterkt brak frå haugane. [3]

¹¹Hyl, de som bur i Morteren, for heile kræmarfolket ¬er gjort til inkjes, utrudde er alle ¬som vog opp sølv. [4] [5]

¹²På den tid skal det henda at eg ransakar Jerusalem ¬med ljos og lykt og krev mennene der ¬til rekneskap, dei som sit stive ¬over bermen av sin vin og seier med seg sjølve: «Herren gjer korkje godt ¬eller vondt.»

¹³Eigedomen deira ¬skal plyndrast og husa deira øydeleggjast. Byggjer dei hus, ¬får dei ikkje bu i dei, plantar dei vinhagar, ¬får dei ikkje drikka vinen.

¹⁴Nær er Herrens dag, den store; han er nær og kjem med hast! Høyr, beisk er Herrens dag, då ropar krigaren høgt.

¹⁵Den dagen er ein vreidedag, ein dag med naud og trengsle, ein dag med storm og herjing, ein dag med mørker ¬og dimme, ein dag med skyer og skodd,

¹⁶ein dag med hornlåt og hærrop mot dei faste borger og mot dei høge tårn.

¹⁷Då vil eg gjera folk så redde at dei går ikring som blinde, for dei har synda mot Herren. Blodet deira ¬skal kastast ut som avfall og kjøtet deira som møk.

¹⁸Deira sølv og gull ¬kan ikkje berga dei. På sin vreidedag skal Herren i sin brennhug ¬øyda heile jorda. For han gjer ende, ja brå ende på alle som bur på jorda.