Read nynorsk 1978 Haggai 1 Bible Online

Haggai 1 - nynorsk 1978 bible

Haggai 1

¹I det andre styringsåret åt kong Dareios, den fyrste dagen i den sjette månaden, kom Herrens ord ved profeten Haggai til Serubabel Sjealtielsson, statthaldaren i Juda, og til Josva Jehosadaksson, øvstepresten, og det lydde så: [1]

²Så seier Herren, Allhærs Gud: Dette folket seier: «Enno er ikkje tida komen til å byggja Herrens hus.»

³Då kom Herrens ord ved profeten Haggai:

⁴Er det tid for dykk til å bu i bordkledde hus så lenge templet ligg i røys?

⁵No seier Herren, Allhærs Gud: Legg merke til ¬korleis det går dykk!

⁶De sår mykje, men haustar lite; de et, men vert ikkje mette; de drikk, ¬men sløkkjer ikkje torsten; de kler dykk, ¬men vert ikkje varme; og leigekaren får si løn i ein botnlaus pung.

⁷Så seier Herren, Allhærs Gud: Legg merke til ¬korleis det går dykk!

⁸Far opp i fjellet ¬og henta tømmer! Bygg templet, ¬så vil eg ha hugnad i det og visa min herlegdom der, ¬seier Herren.

⁹De ventar mykje, ¬men sjå, det vert lite. De får det i hus, ¬men eg blæs det bort. Kvifor? seier Herren, ¬Allhærs Gud. Fordi mitt tempel ligg i røys, medan de har det annsamt kvar med sitt eige hus.

¹⁰Difor held himmelen ¬dogga att, og jorda gjev ikkje grøde.

¹¹Eg har kalla turk over jord og fjell, over korn og vin og olje, over alt som gror på marka, ja, over folk og fe og over alt arbeid ¬som vert gjort.

¹²Serubabel Sjealtielsson og Josva Jehosadaksson, øvstepresten, og alle som var att av folket, høyrde på det Herren deira Gud tala, på orda åt profeten Haggai, fordi Herren deira Gud hadde sendt han. Og folket hadde age for Herren.

¹³Med oppdrag frå Herren sa Haggai, Herrens sendebod, til folket: Eg er med dykk, lyder ordet frå Herren.

¹⁴Herren vekte slik iver hjå Serubabel Sjealtielsson, statthaldaren i Juda, og hjå Josva Jehosadaksson, øvstepresten, og hjå alle som var att av folket, at dei kom og arbeidde på huset åt sin Gud, Herren, Allhærs Gud.

¹⁵Det var den 24. dagen i den sjette månaden i det andre styringsåret åt kong Dareios. [2]