Read nynorsk 1978 Sakarja 1 Bible Online

Sakarja 1 - nynorsk 1978 bible

Sakarja 1

¹I den åttande månaden i det andre styringsåret åt Dareios kom Herrens ord til profeten Sakarja, son til Berekja, som var son til Iddo, og det lydde så: [1]

²Herren har vore storleg harm på fedrane dykkar.

³Du skal tala til folket: Så seier Herren, Allhærs Gud: Vend om til meg, lyder ordet frå Herren, Allhærs Gud, så vil eg venda om til dykk, seier Herren, Allhærs Gud.

⁴Ver ikkje lik fedrane dykkar som dei førre profetane forkynte for og sa: «Så seier Herren, Allhærs Gud: Vend om frå dykkar vonde ferd og dykkar vonde gjerningar!» Men dei høyrde ikkje og vørde meg ikkje, lyder ordet frå Herren.

⁵Kvar er no fedrane dykkar? Og profetane, lever dei til evig tid?

⁶Men mine ord og bod som eg baud tenarane mine, profetane, å forkynna, har ikkje dei råka fedrane dykkar? Så måtte dei venda om og seia: «Som Herren, Allhærs Gud, hadde sett seg føre å gjera med oss etter vår ferd og våre gjerningar, såleis har han gjort med oss.»

⁷Den 24. dagen i den ellevte månaden — det er sjebat månad — i det andre styringsåret åt Dareios kom Herrens ord til profeten Sakarja, son til Berekja, som var son til Iddo. Han sa: [2]

⁸Eg hadde eit syn i natt. Eg såg ein mann som reid på ein raud hest. Han stogga mellom myrtetrea i dalbotnen, og attanfor han stod raude, raudbrune og kvite hestar.

⁹Eg spurde: «Kva tyder dette, herre?» Engelen som tala med meg, svara: «Eg skal syna deg kva det tyder.»

¹⁰Så sa mannen som stod mellom myrtetrea: «Det er dei som Herren har sendt ut så dei skal fara ikring på jorda.»

¹¹Dei sa til Herrens engel, som stod mellom myrtetrea: «Vi har fare ikring på jorda, og heile jorda er roleg og still.»

¹²Då tok Herrens engel til ords og sa: «Herre, Allhærs Gud, kor lenge vil du drya før du gjer miskunn mot Jerusalem og byane i Juda som du har vore harm på i sytti år?»

¹³Og Herren gav engelen som tala med meg, gode og trøystande ord til svar.

¹⁴Og engelen som tala med meg, sa: Rop ut desse orda: Så seier Herren, Allhærs Gud: Eg er full av brennhug for Jerusalem og Sion,

¹⁵og stor er harmen min mot dei trygge heidningfolka; for då eg berre ¬var litegrann harm, gjorde dei ulukka større.

¹⁶Difor seier Herren: Med miskunn kjem eg att ¬til Jerusalem. Der skal huset mitt byggjast, lyder ordet frå Herren, ¬Allhærs Gud, og mælesnor skal strekkjast ¬over Jerusalem. [3]

¹⁷Rop ut på nytt og sei: Så seier Herren, Allhærs Gud: Atter ein gong skal ¬byane mine fløyma over av det som godt er. Atter skal Herren ¬ha medkjensle med Sion, endå ein gong ¬velja ut Jerusalem.