Read nynorsk 1978 Sakarja 3 Bible Online

Sakarja 3 - nynorsk 1978 bible

Sakarja 3

¹Så lét han meg sjå Josva, øvstepresten, som stod framfor Herrens engel, medan Satan stod på høgre sida hans og førte klagemål mot han.

²Herren sa til Satan: «Gjev Herren må visa deg til rettes, Satan! Ja, gjev Herren, som har valt ut Jerusalem, må visa deg til rettes! Er ikkje denne mannen ein brand, riven ut or elden?»

³Josva var kledd i skitne klede der han stod framfor engelen. [7]

⁴Og engelen sa til dei som stod framfor han: «Ta av han dei skitne kleda!» Til Josva sa han: «Sjå, eg tek bort syndeskulda di og kler deg i høgtidsbunad.»

⁵Då sa eg: «Set ein rein turban på hovudet hans!» Og dei sette ein rein turban på hovudet hans og tok på han kleda, medan Herrens engel stod der.

⁶Då gav Herrens engel denne lovnaden til Josva:

⁷Så seier Herren, Allhærs Gud: Går du på mine vegar og rettar deg ¬etter det eg har fastsett, skal du få styra mitt hus og vakta mine føregardar, og eg vil gje deg tilgjenge saman med dei ¬som gjer teneste her.

⁸Høyr no, Josva, øvsteprest! Du og embetsbrørne dine, som sit framføre deg, de er varselsmenn. For sjå, eg lèt min tenar ¬Renning koma. [8]

⁹Ja, på den steinen eg har lagt ¬framfor Josva, på denne eine steinen ¬med sju augo ritar eg den innskrift ¬som skal stå, lyder ordet frå Herren, ¬Allhærs Gud. På ein einaste dag vil eg ta bort den skuld ¬som kviler på dette landet.

¹⁰Den dagen, lyder ordet ¬frå Herren, Allhærs Gud, skal de be kvarandre ¬til gjestebod under vintre og fikentre.