Read nynorsk 1978 Sakarja 4 Bible Online

Sakarja 4 - nynorsk 1978 bible

Sakarja 4

¹Engelen som tala med meg, vekte meg ein gong til, som når ein mann vert vekt or svevnen.

²Han spurde meg: «Kva ser du?» Eg svara: «Eg ser ein ljosestake som er av gull heilt igjennom. På toppen har han ei oljeskål og sju lamper med sju røyrer til kvar av lampene, som sit øvst på han.

³Attmed staken står to oliventre, eitt til høgre for oljeskåla og eitt til venstre.» [9]

⁴Eg tok til ords og spurde engelen som tala med meg: «Kva tyder dette, herre?»

⁵Engelen som tala med meg, sa: «Veit du ikkje kva dette tyder?» Eg svara: «Nei, herre.»

⁶Då tok han til ords og sa til meg: Dette er Herrens ord ¬til Serubabel: Ikkje med makt ¬og ikkje med kraft, men med min Ande, seier Herren, Allhærs Gud.

⁷Kven er vel du, ¬du mektige fjell? Framfor Serubabel ¬skal du verta ei slette. Han skal føra fram ¬toppsteinen, medan dei ropar: «Nåde, nåde vere med han!» [10]

⁸Herrens ord kom til meg, ¬og det lydde så:

⁹Serubabels hender ¬har tufta dette huset, og hans hender ¬skal fullføra det. Då skal du sanna at Herren, Allhærs Gud, ¬har sendt meg til dykk.

¹⁰Ja, alle som har vanvørdt den dagen då det tok til ¬i det små, skal gleda seg når dei får sjå blyloddet i Serubabels hand. — Dei sju, det er Herrens augo som fer over heile jorda. [11]

¹¹Då tok eg til ords og spurde han: «Men kva tyder dei to oliventrea som står til høgre og til venstre for ljosestaken?»

¹²Atter tok eg til ords og spurde: «Kva tyder dei to olivengreinene attmed dei to gullrøyrene som leier den gylne oljen ned frå dei?»

¹³Han sa til meg: «Veit du ikkje kva dei tyder?» «Nei, herre,» svara eg.

¹⁴Då sa han: «Det er dei to som er salva med olje. Dei står framfor han som er herre over all jorda.» [12]