Read nynorsk 1978 Sakarja 6 Bible Online

Sakarja 6 - nynorsk 1978 bible

Sakarja 6

¹Så lyfte eg augo att og fekk sjå fire vogner som kom fram mellom to fjell; fjella var av kopar.

²For den fyrste vogna var det raude hestar; for den andre vogna var det svarte hestar;

³for den tredje vogna var det kvite hestar, og for den fjerde vogna var det flekkete, raude hestar.

⁴Då tok eg til ords og spurde engelen som tala med meg: «Kva tyder desse, herre?»

⁵Engelen svara og sa til meg: «Det er dei fire himmelvindane, som fer ut etter at dei har stige fram for han som er herre over all jorda.

⁶Vogna med dei svarte hestane fer mot landet i nord, og dei kvite fylgjer etter. Dei flekkete fer mot landet i sør.»

⁷Då fór dei raude ut, og dei var ihuga etter å koma i veg og fara ut over jorda. Då sa han: «Av stad og far ut over jorda!» Så fór dei av stad ut over jorda.

⁸Då ropa han til meg: «Sjå, dei som fer mot landet i nord, skal la min Ande finna ro der nord.» [16]

⁹Herrens ord kom til meg, og det lydde så:

¹⁰Ta imot gåver frå dei landlyste, frå Heldai, Tobia og Jedaja, og gå den dagen inn i huset til Josjia, son til Sefanja, dit dei er komne frå Babylonia. [17]

¹¹Og ta imot sølv og gull og lag kroner! Kron så Josva Jehosadaksson, øvstepresten,

¹²og sei til han: [18] Så seier Herren, Allhærs Gud: Sjå, det kjem ein mann, hans namn er Renning, under han skal det renna ¬og gro. Han skal byggja ¬Herrens tempel,

¹³ja, han skal byggja ¬Herrens tempel. Han skal vinna ære og makt. På sin kongsstol ¬skal han sitja og styra; ved hans kongsstol ¬skal det vera ein prest, og mellom dei ¬skal det rå fred.

¹⁴Kronene skal vera i Herrens tempel til minne om Helem, Tobia, Jedaja og Hen, son til Sefanja.

¹⁵Folk skal koma frå land ¬langt borte og vera med ¬og byggja Herrens tempel. Då skal de sanna at Herren, Allhærs Gud, ¬har sendt meg til dykk. Dette skal henda ¬dersom de lyder ordet frå Herren dykkar Gud.