Read nynorsk 1978 Efesarane 1 Bible Online

Efesarane 1 - nynorsk 1978 bible

Efesarane 1

¹Paulus, etter Guds vilje Jesu Kristi apostel, helsar dei heilage i Efesos, dei som trur på Kristus Jesus. [1]

²Nåde vere med dykk og fred frå Gud, vår Far, og Herren Jesus Kristus!

³Lova vere Gud, ¬vår Herre Jesu Kristi Far, han som i Kristus ¬har velsigna oss med all Andens velsigning ¬i himmelen.

⁴I Kristus har han valt oss ut ¬før verda vart skapt, så vi skulle vera heilage ¬og lytelause for hans åsyn.

⁵I kjærleik og av eigen fri vilje har han føreåt etla oss til å få barnekår hjå seg ¬ved Jesus Kristus,

⁶til lov og ære ¬for hans herlegdom og for den nåde han gav oss ¬i sin kjære Son.

⁷I han har vi utløysinga som vart vunnen ved hans blod, forlating for syndene. Så rik er hans nåde,

⁸som han i rikt mål ¬har late oss få. Han gav oss all visdom ¬og alt skjøn,

⁹då han kunngjorde oss ¬løyndomen om sin vilje, den frie avgjerd han hadde teke

¹⁰om å fullføra sin frelsesplan ¬når tida var inne: å sameina alt i Kristus, både det i himmelen ¬og det på jorda.

¹¹I han har vi fått arvelut, vi som føreåt var etla til det etter Guds forsett, han som gjennomfører alle ting etter sin plan og vilje.

¹²Så skulle vi vera til lov og ære ¬for hans herlegdom, vi som alt no har sett vår von ¬til Kristus.

¹³I han kom de òg til tru då de høyrde sanningsordet, evangeliet om frelsa dykkar. I han er de merkte med eit segl, Den Heilage Ande ¬som var lova,

¹⁴han som er pantet på arven vår til dess utløysinga kjem ¬for Guds folk, til lov og ære ¬for hans herlegdom.

¹⁵Difor held eg ikkje opp med å takka Gud for dykk når eg kjem dykk i hug i bønene mine.

¹⁶For eg har høyrt om dykkar tru på Herren Jesus og om dykkar kjærleik til alle dei heilage.

¹⁷Eg bed om at vår Herre Jesu Kristi Gud, herlegdomens Far, må la dykk få den Ande som gjev visdom og openberring, så de lærer Gud å kjenna.

¹⁸Han gjeve dykkar hjarta opplyste augo, så de kan skjøna kva det er for ei von han har kalla dykk til, kor rik og herleg arven er for dei heilage,

¹⁹og kor veldig hans kraft er mellom oss som trur. Med denne veldige makt og styrke

²⁰reiste han Kristus opp frå dei døde og sette han ved si høgre hand i himmelen,

²¹over alle makter og herredøme, over alt velde og alle hovdingar og over kvart namn som nemnast kan, ikkje berre i denne verda, men òg i den komande.

²²Alt la han under hans føter, og han, hovudet over alle ting, har han gjeve til kyrkja,

²³som er Kristi lekam, fylt av han som fyller alt i alle.