Read nynorsk 1978 Josva 12 Bible Online

Josva 12 - nynorsk 1978 bible

Josva 12

¹Dei kongane austanfor Jordan som israelittane vann over og tok landet frå mellom Arnon-elva og Hermon-fjellet, på heile austsida av Jordan,

²det var fyrst amorittkongen Sihon, som budde i Hesjbon. Han rådde over landet frå Aroer, som ligg ut mot Arnon-dalen, frå midt i elva, og over halve Gilead til Jabbok-elva, som er grensa mot ammonittane.

³Han rådde òg over austsida av Jordan-dalen, opp til Gennesaret-sjøen og ned til Araba-sjøen — eller Saltsjøen — bort imot Bet-Jesjimot, og sør under Pisga-liene.

⁴Så var det landet til Og, kongen i Basan, ein av dei som var att av refaittane. Han budde i Asjtarot og Edre’i

⁵og rådde over Hermon-fjellet, Salka og heile Basan, til grensa mot gesjurittane og ma’akatittane, og over halve Gilead, til grensa mot Sihon, kongen i Hesjbon.

⁶Desse kongane hadde Moses, Herrens tenar, og israelittane vunne over, og Moses hadde late Rubens-sønene og Gads-sønene og halve Manasse-ætta få landet deira til odel og eige.

⁷No hadde Josva og israelittane vunne over kongane i landet vestanfor Jordan, frå Ba’al-Gad i Libanon-dalen til snaufjellet som stig opp mot Se’ir. Dette landet gav Josva Israels-ættene til eigedom, så kvar ætt fekk sin del:

⁸i fjellbygdene, Sjefela og Jordan-dalen, i liene, øydemarka og Negev, i landet til hetittane, amorittane, kanaanearane, perisittane, hevittane og jebusittane.

⁹Dette er dei kongane som Josva vann over: kongen i Jeriko, ein, kongen i Ai ved Betel, ein,

¹⁰kongen i Jerusalem, ein, kongen i Hebron, ein,

¹¹kongen i Jarmut, ein, kongen i Lakisj, ein,

¹²kongen i Eglon, ein, kongen i Geser, ein,

¹³kongen i Debir, ein, kongen i Geder, ein,

¹⁴kongen i Horma, ein, kongen i Arad, ein,

¹⁵kongen i Libna, ein, kongen i Adullam, ein,

¹⁶kongen i Makkeda, ein, kongen i Betel, ein,

¹⁷kongen i Tappuah, ein, kongen i Hefer, ein,

¹⁸kongen i Afek, ein, kongen i Saron, ein,

¹⁹kongen i Madon, ein, kongen i Hasor, ein,

²⁰kongen i Sjimron-Meron, ein, kongen i Aksjaf, ein,

²¹kongen i Ta’anak, ein, kongen i Megiddo, ein,

²²kongen i Kedesj, ein, kongen i Jokneam ved Karmel, ein,

²³kongen i Dor på Dor-høgda, ein, kongen over folka i Galilea, ein,

²⁴kongen i Tirsa, ein, i alt trettiein kongar.