Read nynorsk 1978 Josva 15 Bible Online

Josva 15 - nynorsk 1978 bible

Josva 15

¹Ved loddkastinga fekk Juda-sønene, ætt for ætt, den delen av landet som grensar til Edom, heilt til Sin-øydemarka lengst i sør.

²Grensa i sør går ut frå enden av Saltsjøen, frå den vika som ligg lengst i sør.

³Derifrå går ho sør for Akrabbim-skaret over til Sin, og så oppover sør for Kadesj-Barnea, framom Hesron og opp til Addar. Der svingar ho bort til Karka,

⁴går så framom Asmon, når til Egyptarbekken og endar utmed havet. Dette skal vera grensa deira i sør.

⁵I aust fylgjer grensa Saltsjøen opp til Jordan-osen. På nordsida går grensa frå den vika av Saltsjøen som Jordan renn ut i.

⁶Derifrå går ho til Bet-Hogla og nord for Bet-Ha’araba opp til Bohan-steinen. Bohan var son til Ruben.

⁷Så held ho fram gjennom Akor-dalen opp til Debir; der svingar ho nordover til Gilgal, som ligg beint imot Adummim-skaret, sør for dalen, og går så til En-Sjemesj-bekken og fram til Rogel-kjelda.

⁸Derifrå går grensa opp gjennom Hinnom-dalen, på sørsida av Jebusitt-åsen, det er Jerusalem, og opp til toppen av det fjellet som ligg rett vest for Hinnom-dalen, ved nordenden av Refa’im-dalen.

⁹Frå den fjelltoppen svingar ho bort til Neftoah-kjelda, held fram til byane ved Efron-berget og går så i ein boge til Ba’ala, det er Kirjat-Jearim.

¹⁰Frå Ba’ala svingar ho vestover til Se’ir-fjellet, går på nordsida av Jearim-fjellet, der Kesalon ligg, ned til Bet-Sjemesj og fram til Timna.

¹¹Så går ho nordover til Ekron-åsen; der svingar ho bort mot Sjikkeron, går framom Ba’ala-fjellet til Jabne’el og endar utmed havet.

¹²I vest er Storhavet grensa. Dette var grensene kring det landet Juda-sønene fekk, ætt for ætt.

¹³Kaleb Jefunneson fekk sin del av landet midt imellom Juda-sønene, som Herren hadde sagt til Josva. Det var den byen som hadde namn etter Arba, ættefar til anakittane, og som no heiter Hebron.

¹⁴Kaleb dreiv ut dei tre anakittane som budde der, Sjesjai, Akiman og Talmai, etterkomarane etter Anak.

¹⁵Sidan drog han opp mot Debir-buane. Debir heitte før i tida Kirjat-Sefer.

¹⁶Då sa Kaleb: «Den som slår Kirjat-Sefer og tek byen, skal få Aksa, dotter mi, til kone.»

¹⁷Otniel, son til Kenas, bror til Kaleb, tok byen og fekk Aksa til kone.

¹⁸Då ho skulle flytta heim til han, eggja ho han til å be far hennar om eit jordstykke. Som ho hoppa ned av eselet, spurde Kaleb henne: «Kva er det du vil?»

¹⁹Ho svara: «Lat meg få ei avskilsgåve! Når du har gift meg bort til dette turre Negev-landet, får du gje meg vasskjelder òg.» Så gav han henne Øvrekjelda og Nedrekjelda.

²⁰Dette er dei eigedomane som Juda-ætta fekk.

²¹Lengst sør i landet, i Negev, bort imot grensa til Edom, var det desse byane: Kabse’el, Eder, Jagur,

²²Kina, Dimona, Adada,

²³Kadesj, Hasor, Jitnan,

²⁴Sif, Telem, Bealot,

²⁵Hasor-Hadatta, Kerijot-Hesron, som no heiter Hasor,

²⁶Amam, Sjema, Molada,

²⁷Hasar-Gadda, Hesjmon, Bet-Pelet,

²⁸Hasar-Sjual, Be’er-Sjeba, Bisjotja,

²⁹Ba’ala, Ijjim, Esem,

³⁰Eltolad, Kesil, Horma,

³¹Siklag, Madmanna, Sansanna,

³²Lebaot, Sjilkim, Ajin og Rimmon, i alt tjueni byar med landsbyar.

³³I Sjefela var det: Esjta’ol, Sora, Asjna,

³⁴Sanoah, En-Gannim, Tappuah, Ha’enam,

³⁵Jarmut, Adullam, Soko, Aseka,

³⁶Sja’arajim, Aditajim, Gedera og Gederotajim, fjorten byar med landsbyar.

³⁷Så var det Senan, Hadasja, Migdal-Gad,

³⁸Dilan, Mispe, Jokte’el,

³⁹Lakisj, Boskat, Eglon,

⁴⁰Kabbon, Lakmas, Kitlisj,

⁴¹Gederot, Bet-Dagon, Na’ama og Makkeda, seksten byar med landsbyar.

⁴²Så Libna, Eter, Asjan,

⁴³Jiftah, Asjna, Nesib,

⁴⁴Ke’ila, Aksib og Maresja, ni byar med landsbyar.

⁴⁵Dessutan Ekron med byar og landsbyar,

⁴⁶alle byane og landsbyane frå Ekron og vestover mot Asjdod

⁴⁷og så Asjdod og Gasa med byar og landsbyar heilt til Egyptarbekken og Storhavet. Det var grensa der.

⁴⁸I fjell-landet var det: Sjamir, Jattir, Soko,

⁴⁹Danna, Kirjat-Sanna, som no heiter Debir,

⁵⁰Anab, Esjtemo, Anim,

⁵¹Gosen, Holon og Gilo, elleve byar med landsbyar.

⁵²Så var det Arab, Duma, Esjan,

⁵³Janim, Bet-Tappuah, Afeka,

⁵⁴Humta, Kirjat-Arba, som no heiter Hebron, og Sior, ni byar med landsbyar.

⁵⁵Så Maon, Karmel, Sif, Jutta,

⁵⁶Jisre’el, Jokdeam, Sanoah,

⁵⁷Kajin, Gibea og Timna, ti byar med landsbyar.

⁵⁸Så Halhul, Bet-Sur, Gedor,

⁵⁹Ma’arat, Bet-Anot og Eltekon, seks byar med landsbyar.

⁶⁰Så Kirjat-Ba’al, som sidan vart kalla Kirjat-Jearim, og Rabba, to byar med landsbyar.

⁶¹I øydemarka var det: Bet-Ha’araba, Middin, Sekaka,

⁶²Hannibsjan, Ir-Hammelah og En-Gedi, seks byar med landsbyar.

⁶³Men jebusittane, som budde i Jerusalem, vann ikkje Juda-sønene driva ut. Dei vart buande i Jerusalem saman med Juda-sønene, og der bur dei den dag i dag.